點解比我串完, 都仲要問我架?!

今日同(老)馮小姐出去食lunch, 因為冇飯帶! 去到食嘢嗰到, 佢又問我可唔可以食公仔麵!  當時我個心諗: 又問!!!

 

雖然我個心係咁諗, 但係把口就咁答佢:

 

馮: 我真係好想食公仔麵呀!

 

我: 你唔好問我, 你打去問XXX啦(佢個同學, 我都識, 因為一斉係舊公司做過嘢)

 

馮: XXX今朝同我講呀, 原來我真係唔食得辣椒架! 佢嗰時食, 係因為佢唔知死咋!

 

我: 你都係打電話去問佢啦! 我唔會再講架喇, 我尤得你自生自滅架喇!

 

馮: 唔好啦! 你唔好咁衰啦!

 

我: 你問佢啦! 你信佢講, 就更係要問下佢先啦!

 

馮: 車~ 乜你咁架!

 

我: 我講你又唔信! 所以最好架啦, 你問佢啦! 不過, 你都係唔使介口, 辣椒油你都照食, 唔怕架喇!

 

馮: ...............

 

跟住我叫左個牛丸河, 佢叫左個墨丸河!

 

我個牛丸河到左, 我就同佢講: 等我落D辣椒油先, 咁先好味D架嘛!

 

你吹我唔脹! 你吹我唔脹!