嗱! 已經level喇!!!

我有個朋友係滕滕滿左月過嚟探我地, 不過嗰次就唔係好happy, 因為佢同佢女朋友嗌左交! 好心嗌左交就唔好嚟啦, 一係就你自己一個人嚟, 上到嚟佢條女就黑口黑面, 都唔知上嚟仲乜!

 

好喇, 輪到佢條女有左, 結埋婚, 仲生左對孖! 成日都想去探佢, 因為佢始終嚟過我到, 所以好正常都要去一去佢到啦, 但係佢對孖滿月就去唔到, 因為老公番工, 而且佢仲要係buffet, 咁點去先! 雖然佢同我講, 到時要出去攞嘢食, 大把人會幫我睇住滕滕喎! 就係呢句, 攪到我不知幾鬼興, 因為真係好想問番佢, 會唔會比陌生人睇住佢嗰兩個仔呀!!!

 

好喇, 都算喇, 因為我真係唔想爭佢一個人情, 就算佢同佢條女黑口黑面又乜都冇買嚟! 我都買左兩對學行比佢對孖仔!

 

不過, 做人真係唔係老馮架! 我send couier 送對鞋去佢老婆公司, 佢收到之後一個電話都冇打嚟!  直至過左幾日佢有封信寄去我屋企, 我msn比佢話比佢知, 佢都冇講過一句多謝!  仲叫我叫courier 張封信send 去佢老婆公司!

 

喂! 我公司唔係我開架, 你估courier 唔使錢架!!!

 

我拒絕左佢之後, 佢就叫我寄番封信比佢, 係嗰時, 佢先至同我講, 唔好意思, 成日煩到我!

 

算喇! 送番對鞋仔比佢之後, 我都唔打算再打比佢, 當同佢level!