都唔知係咩世界!

係表姐個blog到, 睇到佢話同班朋友北上揼骨, 係食飯嗰時, 佢其中一個朋友嘅老公同一個女性朋友嚟搵佢地, 一坐埋枱, 佢朋友個老公同行嗰個女人就叫佢朋友一聲亞姐!

 

我表姐同佢其他嘅朋友起初係以為呢個女人, 係佢朋友嘅親戚, 但係當佢朋友嘅老公同嗰個女人走左之後, 佢個朋友好主動咁講比我表姐同其他人聽, 嗰個女人係佢幫佢老公搵嘅!  係御准嘅二奶!

 

我想問下, 而家係咩世界? 點解我地d女人要做到咁?! 怕個老公去搵女人唔番嚟, 就幫佢搵埋, 等佢知道個老公係去左佢御准嘅二奶到!

 

咁我想問下, 我地d女人, 可唔可以有御准嘅二公呢???!!!