每日金句

今日亞媽多咀, 問馮小姐今日無啦啦著裙, 咁馮小姐就一定成機架啦, 佢同亞媽講: 係呀, 我有左呀, 乜你唔知咩?!

 

我一路都冇同亞媽講過佢有左, 因為我就係唔想亞媽忍唔住口問佢生仔d嘢, 費事又比佢成機嘛! 不過就算我唔講, 佢而家都自己講晒出嚟, 又話幾時預產期, 又話會係私家生!

 

講真, 佢越係咁, 我就越憎佢!  因為我頭先食飯, 都係到諗係, 如果有d嘢唔出聲好似好衰咁, 但係佢又咁hill屎, 究竟出唔出聲好........?

 

食完飯打比亞媽, 亞媽吹水, 佢就同我講左頭先係廚房嘅對答~

 

亞媽: 你係咁開住個水喉洗菜, d菜都唔會乾淨得去邊架喎! 你浸下d菜半個鐘到先去洗啦, 咁先可以減咁d農藥架!

 

馮: 開大d個水喉, 沖得乾淨d架!

 

亞媽同我講, 佢好似唔使比水費咁, 個水喉有咁大就開咁大, 開足成廿分鐘, 去洗佢嗰 5、6 條菜!

 

跟住見佢張張保解紙包住隻鐵碟, 放入去個飯煲到蒸, 跟住~

 

亞媽: 你連埋張保鮮紙咁放入去蒸, 會有毒架喎, 攞番張保鮮紙出嚟會好d喎!

 

馮: 加張保鮮紙包住去蒸, d排骨會滑d 架!!!

 

.

.

.

.

我頭先食飯, 就係見佢碟排骨連埋保鮮紙一斉放入去蒸, 真係好想開口同佢講咁樣唔好, 會有毒, 因為就算係可以用係微波爐嘅保鮮紙都唔係咁好!

 

不過, 原來亞媽已經早我一步同左佢講! 所以我冇出聲, 真係明確嘅!