每日金句

今日嘅金句, 並唔係我同馮小姐嘅對話, 而係我亞媽同佢! 但係我估唔到亞媽居然咁答佢...............

今朝唔知咩事, 馮小姐早左好多番工, 而係樓下就撞到亞媽!  因為公司開門同關門都要拉閘, 所以馮小姐今日無啦啦咁早, 就更係要拉閘啦, 但係我唔知佢有意定冇意去做一D嘢, 但係亞媽見佢到攞鎖匙出嚟, 亞媽就...........

亞媽: 不如等我幫你拉啦!(我亞媽都成60歲, 我想問, 唔知佢知唔知我亞媽已經係一個亞婆嚟呢???)

馮: 好呀! 唔該! 不過, 鄭小姐(會計)叫我唔好舉高手呀!

(亞媽咁同我講, 我就諗起: 拉閘開門, 點解要舉高手呀? 拉閘開門, 乜唔係係下面拉上去嘅咩????????? 請問講嚟仲乜呢???????????)

亞媽: 點解唔好舉高手呢? 係唔係D古老嘢呀? 我唔知喎!

馮: 我都唔知喎, 可能係怕條臍帶唔知點樣會整到條頸喎!

亞媽: 有時D嘢, 係你就係你, 唔係你, 就唔係你架喇!

馮: ..............

.

.

.

嘩! 亞媽講完呢句嘢, 我跟本就 feel到入晒, 係串到入晒!!!  我真係估唔到亞媽講呢個咁精境嘅嘢!!!

講真, 邊個女人有左會唔緊張先得架, 個個都一樣好小心架啦, 不過我覺得, 馮小姐你唔使下下都搵位入, 話比人知你有左囉, 係唔係你想個個當你係女皇一樣呀?!