今年係第一年過嘅母親節! 老公要番工, 所以只係滕滕同我慶祝! 不過, 都唔係! 亞爸同亞媽入嚟我到, 所以都唔係只係得我同滕滕!
亞爸知我鐘意食蟹, 所以買左三斤蟹同半斤蝦入嚟! 但係, 係我劏緊蟹之際, 突然"叮"左一聲! ..........我係廚房行出去問: 點解今日母親節, 點解我呢個母親要煮飯嘅?
今晚都好滿足, 因為亞爸食左一個蟹蓋同埋半邊身就話飽喇, 跟住個工人番嚟, 亞爸叫佢食蟹, 佢就食左兩個蟹蓋同埋半邊身就唔食喇, 而其餘嗰d, 就我一個人掃晒!!!
好耐都未試過咁滿足, 不過, 如果可以再食多一兩隻, 咁就再更加好喇!
你係咪想話三斤蟹呀?三千蟹會嚇死我囉，哈哈哈 我又係勁鍾意食蟹，總之有蝦蟹食，就食極都唔飽
回覆刪除[版主回覆05/10/2010 17:12:00]係呀! 係呀! 係三斤呀, 等我改左佢先!
我都好鍾意食蝦蟹, 不過我就冇膽自己正喇!
回覆刪除[版主回覆05/11/2010 11:18:00]劏蟹唔係好難架咋, 一落刀就一刀劏落佢個肚中間嗰到(反轉隻蟹), 咁就即刻死左架喇!
你下次試下, 一下佢就即死!
你係蟹后先啱呀～
回覆刪除[版主回覆05/11/2010 11:35:00](Empty)
蟹后上身. 我都係架.
回覆刪除我超love蟹. 但我無妳咁叻, 我唔識整.
我只係識蒸魚同埋烚蝦炸. 蝦仁炒蛋都試過既.
[版主回覆05/12/2010 09:59:00]因為我識劏蟹, 係因為我好細個成日見到老豆劏, 見佢劏得多, 都覺得唔係好難啫, 咁跟住就要自己劏喇!
我好鐘意劏蟹架, 好好玩呢 ! 我仲有隻私家牙刷係要嚟洗蟹架! 刷完之後, 嘩, 幾鬼乾淨呀!!!