攰到嘔茄!

尋日同左個死黨去行街, 行到成10點先食嘢, 攪到成12點半先番屋企! 好耐冇試過喇! 次次自己一個人出去, 都係fast walk, 快速地行, 快速地買, 快速地番屋企, 次次都趕到亞媽都唔認得! 因為死黨就嚟結婚, 所以要倍佢去買嘢, 咁今次就好似之前未生咁, 慢慢行, 慢慢睇!

 

因為尋日番去沖完涼攪攪下都成點半先瞓, 所以今日就好眼瞓!

 

滕滕呢個友仔, 又唔合作, 今朝7點幾飲完奶又唔肯瞓喎! 嘩, 平時咁早起身飲奶都已經好眼瞓架啦, 再加止尋晚夜瞓, 今朝簡直係想死啦!

 

今日節目都好豐富, 因為老公番工, 所以又係我同滕滕出動嘅時候喇! 首先下午約左家姐係元朗high tea, 見下表弟軒軒! 唔知係唔係滕滕係到攪家, 不停咁攪嘢, 攪到表弟都坐得唔定, 一時反身, 一時又企, 總之都開始冇時停!

 

不過最好笑就係滕滕申隻手, 又去攪表弟嗰時, 表弟就啤住佢!

 

表弟, 之前表哥都係唔識咁冚左你一下啫, 唔使記到而家吓嘛!

 

 

 

 

high完tea, 我地又去jusco買魚、南瓜比滕滕食喇, 仲要好急腳咁番屋企, 因為契妹入嚟探我呢個肥滕滕!

 

成晚就玩到癲左, 滕滕不停咁大叫!  驚死冇人知佢痴左線咁!

 

 

 

 

 

嘩! 今日一連串行程, 攪到我散咁济!

 

而且今日同聽日, 個工人都係放假, 所以攰死人喇!