2012年9月16日 星期日

神神地架!


尋日朝九點幾, 老公打電話番嚟問我起左身未! 星期日呀, 更係未啦!

後來等滕滕醒左打番比佢問佢咩事, 原來佢話佢有同事想同佢掉大假, 叫我老公想唔想掉到十月尾喎!

唔好玩啦, 9月頭我地已經報左團10月頭去旅行, 兩個星期前都已經話仲差兩個人就成團, 點掉假呀! 話說完左, 老公就同我講, 不如叫埋佢亞媽一斉去旅行喎!

唔係亞化! 叫埋你老母??? 一聽到, 我冇直接咁拒絕, 我只係話: 早講吖! 當初係你話唔好一斉去(一行6個), 而家無啦啦話叫埋你亞媽? 咁就一早叫埋我老豆同老母啦, 可以一斉去, 唔使而家分開去啦!(因為我老豆亞媽九月尾去)  再者我又講, 而家我老豆老母分開去, 就唔好叫你亞媽同我地一斉去喇, 要去就一斉去! 我唔想只係你亞媽同我地去囉!

老公即刻收皮! 因為佢已經知道我唔會掉抵我老豆老母! 所以唔該下次請早, 機會過左就唔會再有!


張貼者： 於

2 則留言:

  1. 村姑 C 9 仔 *.*2012年9月17日 晚上7:13

    去邊樹威呀?
    [版主回覆09/21/2012 12:00:31]食錯嘢食到眼腫? 敏感呀?!
    [村姑 C 9 仔 *.*回覆09/18/2012 23:33:52]辛苦我就梗啦。
    上次阿仔坐飞机回程时喊吖 ma. 又食無定时，又無妟觉瞓。上次又食錯野滔滔对眼腫到波子咁。嚇死我地吖。
    [版主回覆09/18/2012 14:11:27]辛苦個仔??? 唔係嘛! 最開心就係佢地啦, 日日可以同老豆亞媽一斉! 你同你老公講, 最辛苦嗰個係我, 我都未出聲啦~
    [村姑 C 9 仔 *.*回覆09/18/2012 12:08:05]我都好想去旅行呀~
    唔知幾時有得去。自從1年前台灣之旅, 爸爸就怕左 ~ (怕辛苦佢個仔 ~)
    [版主回覆09/18/2012 11:57:55]去星馬啫! 5日~

    回覆刪除
  2. 林林2012年9月17日 晚上9:40

    仲有兩個位剩，叫埋佢阿媽都剩一個位架，點解佢唔索性話叫埋你爸爸媽媽呢
    [版主回覆09/21/2012 12:01:01]呢個世界, 冇嘢叫公平囉!
    [林林回覆09/18/2012 17:43:43]係啦，大家都係要返工，大家分攤先公平嘛
    [版主回覆09/18/2012 17:22:46]咁我唔可以咁講嘅, 話晒都結左婚咁多年, 佢亞媽又唔係對我差, 我只係唔老嚟佢家姐所以先唔想理佢亞媽啫!

    不過

    而家我都開始慢慢放番手比佢理, 唔好下下都指意晒我! 一D都好吖!
    [林林回覆09/18/2012 16:45:49]咁你同佢講，阿媽係你嘅，你自己理返
    [版主回覆09/18/2012 16:03:55]因為而家佢亞媽得一個人, 佢老豆舊年過左身! 同埋, 佢FEEL到我開始唔老嚟唔想理佢亞媽, 所以佢咪開始發左癲好卦住佢亞媽囉!

    我未唔老嚟佢亞媽之前, 係佢老豆過身之後, 我係會理晒3老, 但係而家我開始唔會~ 我只係會卦住我家兩佬, 所以佢FEEL到佢老母好寂寞囉(呢樣佢已經講左出口)!
    [林林回覆09/18/2012 15:58:50]我其實係話你老公自私，只係諗起佢媽媽，無諗過你爸媽
    [版主回覆09/18/2012 14:33:09]因為如果係一斉去, 我就唔揀去星馬, 因為亞爸亞媽舊年去左! 就算而家有位, 我都唔會, 因為我亞爸亞媽報左去韓國, 早我地一個星期出發! 所以我唔會比我老公得逞!

    回覆刪除

訂閱： 張貼留言 (Atom)