唔係日日對住馮小姐嘅人, 以為佢好好, 好NICE, 又肯幫人!
自己食橙事件之後, 我已經覺得好自私! 所以佢而家日日下午, 只係食一啖飯, 講明話自己唔想再肥, 但係都減唔到, 我覺得都抵佢死! 因為佢食嗰一啖飯就諗住可以唔肥, 但係就日日食飯都去配包lemon tea or code, 你話呢d人個腦幾死豬兜吖!
星期一我已經同馮小姐講明, 我買左嘢飲嚟減肥, 唔好煮我咁多飯! 星期二 & 三, 佢真係有煮少左, ""不"少左飯比我, 但係尋日, d份內就開始同之前一樣, 而今日, 我發現仲更加大碗左!
今日我一睇到馮小姐"不"緊飯, 我就問馮小姐仲咩煮咁多飯, 係唔係佢好餓, 佢答我, 佢驚我唔夠飽所以煮多左係比我!
聽到佢咁答我, 我當堂火滾!!! 因為馮小姐好多時會靜雞雞煮多DD比我食, 之前已經話過佢好多次, 我亦都問佢知唔知, 識唔識咩叫"大半碗", 原本係大半碗, 跟住整下整下又變番一碗, 我出完聲之後, 又變番大半碗, 但係過左一陣, 又點番做一碗! 所以我覺得佢今次係有心!
我覺得佢好賤同好歹毒, 自己減極都減唔到肥, 我覺得佢都想我減唔到, 就係咁耐唔耐就加我飯!
所以我今日都唔客氣, 我問佢究竟咩心態, 明明人地話唔食咁多, 仲要專登比多D人地, 係唔係玩嘢呀!!!
咁佢點答你呀?你驚唔驚佢係啲飯落毒?不如你地分開煮吖，有啲一人飯煲架?我下次見到有，買個比你，你自己係間房煮，唔好理出面個2條百婆。
回覆刪除[版主回覆09/28/2012 11:59:44]如果冇電視睇, 我會番自己房睇囉~
[林林回覆09/24/2012 17:05:12]好彩有電視睇咋，如果唔係你眼望我眼...
[版主回覆09/24/2012 15:11:05]佢冇答我, 因為我咁問佢, 佢已經好尷尬啦, 我問佢"究竟佢諗咩嘛, 我都講到明唔要咁多, 仲專登比我!"
之前我黑佢咁耐面, 我堅持唔出去洗米, 就係想佢出聲話以後各自各煮, 但係佢仍然仲好有能耐咁繼續煮比我食!
所以我就尤得佢煮飽佢! 好似今日咁, 一斉食飯, 但係就冇溝通過, 只係係到睇長今啫!
呢 d 人真係好白痴~ 做埋 d 小動作仲克人憎。情願大家痛痛快快炒一鑊!
回覆刪除[版主回覆09/25/2012 09:45:19]如果佢係做大事嘅人, 跟本唔需要做埋呢D小動作囉! 如果佢點會成世都到呢D比人點嘅職位啫!