今晚同奶奶由上海嚟嘅親戚食飯, 食完飯老公就番工, 我同滕滕&工人就搭巴士番屋企!
係巴士上面, 我同滕滕一斉咁講下" one, two, three......ten", 跟住又同佢玩下, 滕滕一直都好乖, 只係比我"吱"佢嗰時係大笑左幾聲之嘛, 坐係我地對面個女係就係睡夢中啤過嚟, 跟住就一副好撚不滿咁嘅死人樣再望一望我地!
我冇理佢, 因為: 1.乜巴士唔可以講嘢嘅咩? 我地又唔係大聲講嘢! 2. 乜巴士有規定唔可以同個仔玩"吱"嘅咩? bb笑都唔比架?
之後, 我繼續同滕滕又一斉再講下: "1,2,3......10; one, two, three..........ten; 爸爸呢? 媽媽呢? 婆婆呢?" 自問, 我真係唔係好大聲, 我只係教滕滕係到講嘢之嘛! 坐我對面, 仲有個男仔, 個男仔過左一陣, 仲走開埋, 好似話我地好撚煩咁!
乜巴士唔比人同個仔講嘢架??? 乜巴士唔比小朋友笑架??? 你地d咁嘅人, 你第日唔好撚生仔!!! 鬼唔望你生個仔/女出嚟係煩撚到你地死!!! 我個仔又冇喊, 又冇嘈, 都已經好乖咁只係係到讀字啫, 講嘢都唔係係到叫, 你地使唔使咁黑人憎呀, 都痴九殼架!!!
我鐘意你既粗口! 好盡情呀! 哈哈, 我都係咁講野呀 (不過, 只限 o係我老公面前 ~)
回覆刪除[版主回覆03/18/2011 23:58:00]都仲未係盡晒, 如果盡晒, 我怕嚇親你喎 !
就算BB係喊都好自然啦! 唉! 理鬼佢地咩!
回覆刪除[版主回覆03/19/2011 10:30:00]我冇理佢地！理得佢地死！
不過不斷重覆好真係幾煩架喎，不如你教佢睇街外景物仲好啦 好明顯，一個係做阿媽嘅心態，一個係未做阿媽嘅心態
回覆刪除[版主回覆03/19/2011 10:35:00]屯門公路冇嘢睇架！再加上係夜晚，就更加乜都睇吾到啦!
騰騰已經係好乖架喇，出面冇嘢睇，都只係企係到望風景同埋講下字！