同個死人客簽左contract買左兩部 iphone 之後, 頭先又收到個mail, 係另外一個好客, 又叫我幫佢買!
唉~ 一個又叫, 兩個又叫, 再係咁, 可能買完又買, 何來搵咁多no.去簽約呀???
我打比老闆同佢講, 個大客又叫我地幫佢買 iphone喇, 老闆聽到呢個大客話買, 就即刻話將原本買比老闆娘嗰部就轉比左個大客先, 而另外買比個死人客嗰兩部, 全部都唔使收錢!
唔使收錢??? 死人客嗰兩部都唔收錢??? 唔係呀化! 幫佢上台買機我都已經唔想幫, 而家仲話送比佢???
老闆一出口話送, 就要送架喇, 不過因為個死人客真係好反骨, 之前仲話叫我地幫佢搭路直接買模, 自己做貨, 唔使同我地訂貨都夠膽死, 呢d咁嘅仆街客咁都問得出口, 都仲話送個電話比佢喎!
雖然老闆話要送, 但係我真係唔想, 所以我同老闆講, 我要考慮下送唔送比佢!
嘩!!!收返一千幾百都好吖，留返啲錢嘛~~~ 你老闆知唔知佢咁賤格先?
回覆刪除[版主回覆03/04/2011 10:39:00]我老闆更係知個死人客咁反骨&衰啦!!! 佢話既然佢搵我買都係想爻我唔收佢錢, 咪比佢囉, 係d單到mark-up番小小就已經係番到喎! 明知佢係咁嘅人, 就成全佢喎!
你話吹唔吹脹吖!
人地而家想飛起你地喎，仲有無單比你地MARK-UP呀???
回覆刪除[版主回覆03/04/2011 12:38:00]條友妙想天開, 以為唔比人, 可以自己食埋, 不過我地計過數佢冇可能為到本, 所以我老闆好老定佢一定做唔到!
至於佢搵唔搵我地買, 我同老闆都知道平時條友成日拋我地話人地邊到平過我地, 但係都覺得佢應該都走唔到去邊!
不過, 當然有d嘢冇絕對可能啦!
比我，我會叫佢去試下囉~~~
回覆刪除[版主回覆03/06/2011 14:33:00]我地叫左啦, 仲叫佢自己直接搵間模廠, 唔好經我地咁轉接潻!
如果比我地睇死, 咪又係運吉!!!
唓~~~得把聲咋
回覆刪除[版主回覆03/08/2011 13:02:00]佢就係下下都得把聲我先唔老黎佢!!! 唔理佢又唔係, 理佢又唔係, 麻撚煩!!!