梓祐今年已經係中二喇, 話咁快就已經14歲喇, 其實當佢讀中一嗰時, d性情都已經開始改變!
有次約左同佢嫲嫲去飲茶, 嫲嫲買左個毛公仔比滕滕, 因為滕滕要我抱, 所以叫梓祐幫我攞一陣啫, 佢就話唔好, 怕撞到同學比人見到喎! 而且而家嫲嫲講多句梓祐都同嫲嫲講得喇, 唔使講咁多啦!
上個星期同舊同事食飯講開小朋友嘅青春期, 我就問佢個女有冇d咩唔同, 個舊同事就好sad 咁話更係有啦, 仲有成日都鞋口鞋面呀! 個舊同事都未夠40, 都仲係一個後生媽咪啦, 又唔長氣, 講嘢又溫柔, 佢個女都嚴佢煩呀, 你話死唔死吖!
同老公講左佢地d青春期嘢, 老公就係咁捉住滕滕嚟咀, 話而家唔咀多d, 第時你想咀佢, 佢都未必比你咀!
咁又係呀, 青春期都係10歲左右, 而且而家仲越嚟越早熟, 所以計計下, 即係滕滕仲有7-8年比我地咀?! OMG!
係啦，點解青春期就會覺得屋企人特別煩呢?我個時都係咁架喎~~~
回覆刪除[版主回覆03/03/2011 10:59:00]唔係只係你啦, 我同d同學傾番呢d嘢, 佢地個個都係咁, 所以呢d就係人喇!
十幾歲: 青春期
幾十歲: 更年期
死前: 回光反照期
仲有反叛期嘅之後過渡期囉
回覆刪除[版主回覆03/03/2011 11:25:00]係呀! 係呀! 係呀!
我青春期既時候覺得人生好無謂, 仲同 d 同學講我 18歲就會自剎死 ga la。最後, 梗係無咁做喇 ~ ha ha ha
回覆刪除[版主回覆03/04/2011 12:44:00]嘩~ 咁你青春期都好激下喎!!!