老公係報紙睇到話銅鑼灣有皮褸賣, 而且仲減價減到六百蚊一件, 所以我地今日就過左去睇下究竟咩料子!
好彩冇介紹人地去呢到, 因為一上去, 睇到幾個潮男係到看鋪, 既然係潮男, 真係唔相信d皮褸會減價減到咁平囉! 因為潮嘢唔會係平嘢囉!
我地睇左兩三件皮褸, 老公就問我係唔係假嘅, 因為連老公唔係咁識分, 都覺得d褸唔對路! 我再睇多幾件, 就有個女仔問其中一個潮男係咩quality, 個潮男居然答係羊皮!
成排卦住佢所謂嘅皮褸, 但係一d 皮味都冇, 條友居然理直氣壯咁話係羊皮! 聽到佢咁講, 我就想即刻走, 因為跟本就係厄人!
其實我都唔係好識分，有時有好大朕皮味，但摸上手嘅感覺好似假咁...
回覆刪除[版主回覆03/08/2011 12:33:00]有味就假極有限, 但係冇味就真極有限囉! 而家d人做皮做得好真架喇, 有時都要睇下d商人老唔老實, 不過好多都講真話, 而且仲係好有技巧嘅真話, 就睇下你識唔識聽喇!
我唔識，一定唔識...
回覆刪除[版主回覆03/08/2011 16:06:00]我次次都打爛沙盤問到篤架!
呢樣我識...
回覆刪除[版主回覆03/09/2011 10:40:00]咁你咪醒囉!
醒就唔洗乜都打爛沙盆問到篤啦)))
回覆刪除[版主回覆03/09/2011 10:48:00]打爛沙盤嚟問, 唔代表係蠢, 只係代表你唔識嗰方面嘅嘢啫!
好似乜小姐咁, 我相信佢連問都唔識去問囉!
有皮味有時都唔係真野....佢可以噴野上去架
回覆刪除[版主回覆03/09/2011 14:27:00]有d咁嘅嘢???