有時, 真係好無奈!
做工人嘅, 就更係想settle 好個小朋友, 唔想佢地攪嚟攪去, 坐定定比佢地睇電視, 咁佢地就可以去做嘢!
但係我做亞媽, 就最好唔好比自己個仔成日睇電視啦! 雖然我比滕滕睇嗰d, 全部都係適合佢睇嘅嘢, 但係, 我就真係唔想用睇電視嚟settle個工人可以安安落落咁去做自己嘢囉!
因為明明個工人可以好快咁做完嘅嘢, 佢睇滕滕咁乖係到睇電視, 佢就可以拖長d嘢嚟慢慢做! 又或者一路傾電話就一路做!
講真, 邊有工人唔蛇王架, 所以滕滕瞓左, 我就預左佢蛇, 不過我真係好唔鐘意個工人開個電視嚟想滕滕唔好攪嘢囉! 滕滕唔攪嘢, 仲有其他方法架嘛! 咁點解一定要開電視先?!
我之前已經落左order, 只係係個工人煮飯時先可以開dvd 比滕滕睇, 但係我發現呢排個工人九點幾就又開電視囉! 都例牌架啦, 個工人次次都話係滕滕要, 滕滕要! 咁我次次都答, 唔係佢要就要比, 咁佢要你d錢, 咁你比唔比吖!!!
話得個工人多, 又好似唔係咁好! 唔話佢, 我又唔鐘意佢成日比滕滕睇電視! 而家工人難求, 個個朋友搵工人, 都話d工人撰工撰得好緊要(我之前都係啦), 所以又怕個contract 完佢唔肯續約!
唉! 幾死煩!
下次拔咗個電視插頭,等佢無得著個電視,再唔係,買個時間制,較啱時間至著部電視
回覆刪除[版主回覆03/31/2011 11:45:00]其實我已經係個拖牌上面有單獨開關制架喇, 所以如果熄左個開關制, 滕滕係開唔到電視架!
但係問題唔係係個電視到, 而係係個工人到, 因為d工人個個都好想用電視去settle d小朋友, 唔想佢地攪住佢地而另到佢地做唔到嘢(當然更係私人嘢&屋企嘢啦)!
一係你下次係個cam到見到佢開電視，即刻叫佢熄咗佢
回覆刪除[版主回覆03/31/2011 14:10:00]咁我又唔會! 因為開左比滕滕睇, 咁換轉係你自己, 睇睇下比人熄左冇得睇都唔開心啦, 所以我唔會要佢即刻熄左佢架!
咁有咩辦法呢?
回覆刪除[版主回覆03/31/2011 15:14:00]所以我咪就係好懊惱囉! 太高難度(對個工人嚟講), 可能會有反效果, 出年唔同我續約呀!
諗下辦法先得~~~
回覆刪除[版主回覆03/31/2011 15:25:00]好難諗.........好難諗...........好難諗..........
一齊諗
回覆刪除我個工人都 ok, 但我都驚個工人唔同我續約 ~ 佢好似 o係 香港無乜朋友, 好鬼悶咁 ~ 放假,都 6-7pm 返既!
回覆刪除依家 ok 既工人真係好難遇到。梗係有 d 騎里野。我個舊老細, 佢之前無裝 cam。但搬左住 house, 全家歐遊怕爆格, 所以裝個 cam 望住大門, 無話比工人知。返 o黎都無即刻睇 playback。隔一輪至睇返, 原來工人叫晒 d friends o黎開 party。最頂既係, 個工人原來半夜放人 (不過都係女o黎既) 入房瞓。臨天光放人走。
[版主回覆03/31/2011 23:21:00]而家D工人都痴線架, 有CAM又話唔做, 新界又話唔做, 有D就話有老人家唔做, 又有D又話唔湊BB, 都有病架!!! 我地香港人搵工又唔見可以撰到咁喎!!! 我都諗緊, 如果我地5月去旅行, 個工人都唔知點算好, 真係好死煩架!