好悶!

尋晚雲妮10點幾打比我, 同我講佢而家先放工, 好辛苦, 又講佢亞姐點點點, 佢亞哥又點點點, 唉, 我真係聽到好悶, 佢去親邊間公司, 都係講佢亞姐點話佢, 佢點樣辛苦法! 有時, 我真係好想同佢講, 間間公司做嘢都會辛苦架啦, 個個上司都係變態架啦, 點解只係你成日比人攪架, 人地個個唔整, 點解你 d 上司個個都睇你唔順眼先?!  你唔係你自己真係有問題呀, 定係好似 seven 咁, 個人一d 都唔醒, 所以 d 上司唔鐘意你呀!!!

真係好想咁同佢講, 但係又驚 hurt 到佢, 但係我又真係覺得佢做嘢好有問題囉!  不過, 最終都係冇, 因為佢講講下都唔想再同佢傾, 因為好悶, 悶都我好怕, 因為佢次次都係講同一樣嘅嘢, 所以我同佢講, 我而家隻手好污糟, 唔講住, 跟住就收左線喇!

其實原本尋晚同佢食飯, 之前都有 d 怕, 怕佢成晚講佢公司 d 嘢, 又話佢亞哥點話佢, 亞姐點話佢嗰 d 嘢, 不過好彩最後都冇出到, 可以唔使聽!

其實我而家都冇打電話比佢喇, 因為都係怕同一樣嘢, 同埋, 唔想講電話, 就連平時打比人吹水嗰 d 都冇, 因為而家好冇耐性, 唔想講咁耐!