上個星期六放半日番到屋企, 個工人已經不停咁講電話, 到左6點幾, 我忍唔住入廚房話個工人講電話未停過, 一個接一個! 個工人居然答我, 都唔係同一個人嚟!
唔使講, 當然我把火又起啦, 我咪即刻小佢囉, 我理得你電話嗰個係乜水, 亞豬亞狗我都唔理你, 但係我番左嚟幾個鐘就不停咁講, 嘩~ 我番左工, 咪不停咁煲?! 如果要講, 唔該你休息時間就講飽佢, 你講到天光唔瞓我都唔理你, 但係唔可以做緊嘢就咁樣!
好啦, 以為話完就好d啦, 樹不知尋日又係咁, 佢play d DVD 比滕滕睇, 因為佢燙初, 咁ok, 我明白燙衫危險, 如果滕滕過嚟攪住就唔得掂, 所以我就尤佢! 不過我見隻碟再play第二次之後, 佢就入左廚房! 起初我以為佢係廚房有嘢做, 不過當第二次都play完, 滕滕就係張high chair到好唔耐煩, 要走喇! 但係再過左成2/3分鐘, 滕滕又叫又嘈, 佢都冇出現, 咁我就開大左公司個喇叭聽, 原來佢又係廚房講電話!
二話不說就打電話番屋企話個工人啦, 佢居然話佢冇講電話喎! 哼~ 今次唔想我小佢都唔得喇! 我問佢, 如果佢唔係講緊電話, 咁佢係唔係同鬼講緊嘢! 明明聽到佢係到講嘢都仲要講大話?!!!
尋晚番到去, 我問個工人使唔使係個廚房都裝番個cam睇住佢, 佢攪笑到答我"是但啦, 你鐘意!"
我已經再一次同左佢講, 我請佢番嚟係要佢同我照顧bb & 屋企, 唔係請佢番嚟煲粥! 所以我以後都唔想見到係到講電話!!!
講咁耐電話，係咪有問題發生咗呀?
回覆刪除[版主回覆07/21/2010 11:59:00]上個再上個星期六已經係咁架喇, 我已經之前單打過佢, 佢話因為第日係星期日, d 人問佢去邊到街呀!
所以佢上個星期六又係咁, 你話係唔係抵小吖!
係，抵~~~
回覆刪除哎．．．．D工人真係好鬼死激氣。 我朋友個工人夠膽死一手推BB車，一手打SMS，斷正比我朋友，話完佢之後又係咁。 又要返工，又無人睇BB，話完佢又係咁，真係無晒辦法。
回覆刪除[版主回覆07/21/2010 14:08:00]真係冇辦法囉~ 又冇辦法唔比佢用電話!
咁你就一於安多支CAM對付佢!
回覆刪除[版主回覆07/22/2010 12:27:00]其實我又唔想呀! 因為講真又唔係真係要做到咁啫, 如果真係按, 大家都會好唔開心囉!