呢條滕滕, 成日都"莊"我!
今日滕滕已經16個月喇, 自從 1 歲開始, 我就發現佢地有無窮(曵)嘅潛能!
好似佢爬上sofa 側邊個矮柜到, 佢就望一望我, 睇見我見唔見到佢先跳落嚟!
又好似佢用手打姐姐塊面一下, 跟住比我打佢手仔之後, 佢又望一望我, 見我唔係望住佢, 佢又打多一下!
就爬梯咁, 我同佢入房, 佢唔比我出去, 跟住就企係梯前面同我講一大堆bb話, 好似意味住睇下我比唔比佢爬梯咁! 佢就精啦, 冇係我面前爬, 一d 動作都冇, 但係就好似stand by 咁, 可以隨時上得去!
呢而家仲衰到對住個工人就扭計, 個工人用hand free 打比我, 我鬧住問佢仲咩曵曵之後, 成day 都冇再曵喇!
老豆早嗰兩個幾月都已經講, 話我未番到屋企, 佢就寧舍曵, 但係我放工番到, 佢就乖d喇! 起初我都唔覺架, 以為佢地仍住啫, 但係而家個工人一頂滕滕唔順, 就打嚟比我喇! 最攪笑就係, 我鬧完佢之後, 呢條滕滕真係收儉左嘛!
老公話我成日都打滕滕隻手仔, 但係如果唔打一兩下, 佢下次好快又再嚟過! 所以唔好話佢地唔知、唔識, 其實佢地真係乜都知!
成屋貼滿你啲相，睇下佢仲敢唔敢咁曳
回覆刪除[版主回覆07/15/2010 11:00:00]哈哈, good idea 喎!!!
打手仔對熙熙已經唔work喇, 打完即刻繼續曳過~
回覆刪除[版主回覆07/16/2010 09:19:00]如果我真係唔想滕滕再係咁, 咁我就真係係堅打架, 下下都好大力, 仲要推佢埋去佢整到嗰個位, 一路好惡咁鬧, 一路指住嗰個位跟手就打手架!
我老公同我講唔好比佢見到我咁樣打滕滕, 佢話等佢唔係到先! 所以如果我嚟真, 就唔係係咁兒架!
係呀係呀! ANSON仲要曳到用頭撞床欄&撞門,
回覆刪除望吓我有咩反應之後就自己笑.
[版主回覆07/16/2010 09:15:00]佢呢個行為就好似滕滕之前咁, 咬張sofa 之前之後都望一望我, 跟住就笑喇~!
佢地做埋呢d嘢真係另到我地好嘔血, 唔理佢又唔係, 理佢佢地就以為我地同佢玩! 你話死未!
ANSON 就仲要下下撞埋D硬嘢到, 唔怕佢黐都怕佢傻! 滕滕下下都食埋D唔食得嘅嘢落肚, 食得多都怕裏面佢有事!
如果可以, 就真係等佢地兩個見下面, 可能會好夾, 因為兩個D行徑都有D問題架 !
我已經係嚟真喇, 但佢都仲要接二連三咁去搞~
回覆刪除好似今日下晝咁, 佢摷暖風機個電制出嚟玩, 我第一次打咗佢對手隻4下, 係好大力咁打落去, 同你一樣咁, 指住個電制叫佢唔好再搞, 再禁佢對手仔, 問佢痛唔痛?痛就唔好再搞, 如果唔係我就再打你~點知我行開唔夠10分鐘佢又再拎出嚟玩, 今次仲咬埋個插蘇嚟試味添~
我又再打佢對手, 今次打6下, 仲要係咁鬧佢, 同佢墊埋條紗巾係心口, 尤得佢喊飽佢~但佢都係仲要玩!!我真係冇佢辦法~
[版主回覆07/17/2010 10:54:00] 奀皮熙熙! 第日要罰佢舉起佢攪嘅嘢, 唔好比佢放低! 等佢攰下好都!