尋日食lunch, 馮小姐問我, 話見到我有個c 字形嘅cushion以前要嚟托住滕滕, 見佢瞓係上面, 問我呢個cushion 係咩嚟!
(嗱, 去到呢個位, 家姐已經話我又死蠢!!!) 跟住我就答馮小姐嗰個cushion 係要嚟餵奶架, 佢當然係嗰個moment 繼續話唔知啦!!! 講講下, 我又比佢氹左啦 
家姐話佢有出去睇d bb 嘢, 有乜理由佢唔知嗰個cushion 係for 咩用架! 所以跟本呢次又係一個局!
到左今朝, 亞媽話courier 個亞姐成日都攞住 pampers 尿片samples 去比客, 話唔知填左d 咩, 咁買尿片就有discount, 問我馮小姐有冇同我講! 一聽到, 我又火到嚟, 因為佢一d都冇同我講過! 因為我覺得佢真係好自私囉!!!
其實我唔係咁蠢啫, 只不過我當佢係我朋友, 我對佢先冇介心, 但係我又估唔到佢又再一次當我係亞嬌! 係囉, 家姐都講得啱, 唔好似為人地係結婚嗰到放左我地兩張相就咁開心先得架, 你估人地真係當你係fd 咩!!!
天真嬌...冇計喇, 有心人裝冇心人....下次再醒D
回覆刪除[版主回覆07/20/2010 11:33:00]咁對朋友, 唔係唔應該"有心"嘅咩?!
佢覺得你有錢，唔只在啲電視框吓
回覆刪除[版主回覆07/20/2010 11:34:00]我有錢, 就唔使做! 佢明知我成日都搵d so 嘢架啦, 咁都叫做有錢呀?!
咁不如你直接問佢點解唔通知你?
回覆刪除比著我，一定問，雖然有時付出唔等如回報，但都唔可以有著數唔話比人知咁賤格囉
呢篇blog show 出黎比佢睇啦
[版主回覆07/20/2010 12:11:00]我今日問左佢喇, 我話我亞媽都唔知講乜, 叫佢講多一次!
佢話佢上網又check 唔到嗰間公司, 又唔想打電話去問喎! 我唔問佢佢都唔出聲, 你話幾冇引!
學你話齋, 街外嘢, 有著數都唔出聲幾衰格呢!
我遲d都諗住出嚟比佢睇, 不過就唔指名導姓啦! 但係佢半個月前睇過到而家都冇入過嚟喎!
指名道姓又怕咩呢?最可悲嘅係，佢呢啲唔知專登定無心，你唔講，佢真係唔知發生咩事，最好比佢知囉，如果唔係，得你一個唔開心，為乜呢?
回覆刪除[版主回覆07/20/2010 12:21:00]因為始終我都仲要日日對住佢, 所以我唔可以咁直接架! 佢雖然個腦轉得慢( ), 但係佢唔係冇吖嘛!
咁又係，佢唔係無腦，佢係自私啫
回覆刪除[版主回覆07/20/2010 14:53:00]d人要搵機會入架!
我今日行過一條街，條術有好多雀仔，忽然之間諗係你嗰個人
回覆刪除唔洗用腦，又要依賴...
[版主回覆07/21/2010 10:56:00]唔係好明白.........雀仔..........& 唔用腦..........有咩關係?
仲咩無啦啦會聯想埋一斉呀 ?!
因為雀仔係唔洗用腦囉，哈哈哈
回覆刪除見到沙粒以為都可以食得，係咁啄
見到樹葉又係咁啄，我企係到等過馬路，睇住隻雀仔，心諗:你有無咁蠢呀???
[版主回覆07/21/2010 12:59:00], 好嘢!