尋日收到個好消息, 就係一個話唔想結婚嘅好朋友, 佢同我講佢10月結婚! 佢答我點解會結婚, 係因為佢覺得佢女朋友會係一個好老婆, 所以先至結婚! 好囉~終於都成家立室喇!
今日放工, 收到個壞消息, 係一個識左好耐同好FD嘅舊同事患左肝癌! 佢舊年先結婚架咋, 早嗰兩個月佢先同我講如果生BB, 都唔知點樣安排! 更可惜就係佢呢兩三年已經從良, 冇出去玩, 因為佢想搵個好女人做老婆! 好啦, 已經比佢搵到喇, 舊年仲結埋婚, 但係而家就出現左個壞消息!
本身我呢幾日已經心情唔係咁好, 今日仲要收到埋呢個唔開心嘅事!
Oh my god!
人生真係好多變數, 我地點都預測唔到.
回覆刪除遇到唔好嘅事, 真係會問個天點解會發生.
好希望你個FD可以堅強D打呢埸仗, 你可以嘅話就多D支持佢.
你心情仲未好番可能真係心靈得閒得滯呀?
有冇睇電視"女人最痛"呀? 你睇完就知自己幾幸福喇!
唔好俾自己DOWN咁耐, 會傷身架!
搵個好朋友出吓去飲嘢傾吓都可以舒發吓架.
開心D啦! 你唔HAPPY, 滕滕會知架.
[版主回覆07/31/2010 15:13:00]係! 人生真係好多變數! 我都未知佢點住, 可能下個星期約埋一斉去搵佢先知佢點!
我呢排心情唔好都唔想出去! 話我得閑得济, 我又唔係喎, 因為我晚夜連電視都冇乜點睇, 只係係公司錄左 lunch 先去睇番!
可能要我老公OT少D, 咁我先可能唔會諗咁多, 不過老公話襯住而家有得O就O多D, 因為遲D請夠人就冇得O! 所以...........
你老公諗得有遠見D喎! 搵多D先, 遲D滕滕讀書要用好多錢, 幫補吓都好呀!
回覆刪除你唔係要搵屋搬咩? 一於放多D時間睇吓樓, 諗吓遲D俾滕滕讀邊間幼稚園. 諗吓諗吓時間又過架喇!
[版主回覆08/01/2010 14:47:00]就係等我老公有時間先可以去做! 佢成日都OT, 乜都唔做得!
就係佢成日都唔係到, 攪到我成日自己一個係到諗嘢~
所以要諗就諗D好嘢囉! 唔好再諗D唔會發生嘅嘢喇! 一於諗多D滕滕啦!
回覆刪除[版主回覆08/02/2010 10:56:00]就係因為諗滕滕, 所以先至諗我老公究竟幾時先得閑去睇樓!