要買嘅嘢, 點解好似買極都未買完嘅??? 滕滕出左世, 點解d嘢換極都好似仲要換嘅???
上個星期六同老公去睇過d餐枱, 都已經想買, 不過老公問仲使唔使再睇下喎! 仲睇? 唔係呀化? 幾難得可以等到佢得閑去睇下d傢俬呀?! 本身張餐枱冇乜事架, 但係因為怕滕滕"禁"住張玻璃反, 所以先換, 如果係咁再睇嚟睇去, 咁即係又要等呀? 我怕真係反左, 打爛左整到個仔嗰時後悔都冇用呀, 所以我今日就去左買喇!
原本星期六都睇埋sofa, 但係嗰到d款唔鐘意, 不過今次係觀塘呢間分店, 我發現左一張我鐘意架! 打比老公, 佢做緊嘢冇覆, 等左一陣, 我就決定買埋佢! 我都係第一次冇等老公confirm 就買左喇, 幾大膽呀!!!
希望快d送嚟啦, 因為張玻璃枱, 我日日都提心吊膽, 而張sofa, 我日日都唔開胃!!!!
你張玻璃枱係唔係強化玻璃呢?
回覆刪除[版主回覆07/28/2010 10:16:00]而家嗰張係, 但係新買嗰張就冇問........, 不過應該都係嘅!
問下啦，強化玻璃打爛都唔會割親嘛
回覆刪除[版主回覆07/28/2010 11:23:00]問左喇, 係呀! 安落晒!
好彩好彩，以後買玻璃產品記得多口問句喇
回覆刪除[版主回覆07/28/2010 14:44:00]我又唔係好擔心喎, 而家好少唔係強化架喇, 咁當然, 如果係深水埗嗰d就好難講啦........!
有時啲嘢問清楚，個心都安定啲
回覆刪除[版主回覆07/28/2010 15:54:00]都係架!!!