呢個泳池就係淘番嚟架喇! 尋日新鮮滾熱辣到架, 見今日放假就更係攪一攪佢啦~
呢個嘢, 唔好睇少佢, 只係bom都bom左我起碼45分鐘! bom完仲要入去呢!
因為爻唔到喉, 所以就唯有搵個盤加水喇, 只係加水, 都加左我地成粒鐘!
個頸cool, 滕滕一用, 就大喊大叫, 又死都唔肯落水, 驚到死! 可能係因為佢帶左之後睇唔到下面, 冇安全感, 所以佢就驚到嗌晒救命, 所以我地就唯有捉住佢囉!
玩左一陣, 都肯笑下喇, 不過都只係笑左一下咋!
玩左30分鐘到, 滕滕就上水喇, 因為佢唔肯靠邊, 又仲好似好驚, 所以第一次唔好玩咁耐喇!
玩完, 我地就放水! 但係放水都放左又一粒鐘! 計計下前後加埋唔計玩, 只係攪呢個水池就攪左成3粒鐘!
老公問我仲咩整埋d咁刺激嘅嘢, 係唔係痴左線, 有自唔在攞苦嚟辛!!! 去游水都唔使攪到好似而家咁辛苦啦!
hahaha...似浸浴多d.......
回覆刪除你唔放水咪留番佢比工人抺地....可以慳番d 水hehhe...........
[版主回覆07/02/2010 14:42:00]已經都留左喇..........
睇落都幾大喎, 加埋熙熙一齊玩都ok喎! 唔知到時佢驚唔驚呢~
回覆刪除[版主回覆07/02/2010 14:43:00]如果唔帶水泡, 兩個都ok, 不過帶左就好似迫迫地喇~
哈哈, 個小泳池好攪笑呀!
回覆刪除滕滕有無著泳褲呀~ 可能著左泳褲無咁驚~
[版主回覆07/02/2010 22:43:00]個泳池一d都唔小呀, bom到我反眼呀~!
我比左條學習褲佢著, 因為泳褲仲未到手!
嘩! 超級無敵 "正" 呀! 不過做餐飽. 我見出面BB用嘅係一條"U" 型發泡膠做的水泡, 佢可以浮得起又望到四周架.
回覆刪除[版主回覆07/04/2010 17:36:00]等我研究下先!
keep 住日日同佢玩，哈哈哈 買條紅白喉駁水喉咪得囉
回覆刪除[版主回覆07/04/2010 17:37:00]唔用得水喉, 因為而家D水龍頭駁唔到水喉架!