上個星期去惠康買左飲嘢番嚟, 有豆漿、鈣思寶、維他奶、葡萄適 & 汽水! 而呢d嘢飲, 係for 公司個個人飲!
朝早買, 下午已經送左嚟, 不過心情不佳, 到左今日都唔想理佢! 但係今朝個會計忍唔住就問我另外一個同事: "你嗰d汽水想點放架?" 我嗰個同事就當然覺得攪笑啦, 因為個會計好註明係"你嗰d"!
個會計就成日係個電話到同佢d朋友講, 食d乜會長命d, 唔好食咁多肉, 因為會死快d, 所以佢咁怕死, 汽水佢就一定唔會飲, 同埋, 我同另外一個都唔會成日飲汽水, 所以我每次去shopping 都係以豆類同奶類為主, 而汽水 & 葡萄適係要嚟standby 老闆d 朋友!
所以我一聽到咩"你嗰d", 我就已經覺得好攪笑! 如果佢問我, 我真係好想問佢: "乜d豆漿你唔飲咩?!"
幾箱嘢飲放左係到幾日, 冇人郁過! 當然放左幾箱飲品係到, 又唔係阻路, 其實就冇咩所謂, 因為d嘢已經係晒廚房, 唔執唔理唔緊要, 因為唔係趕, 但係唔好專登走過嚟話: "你嗰d汽水想點放?!" 咁即係咩意思? 係唔係話d嘢飲放係到阻住你? 定係放左係到, 你睇唔順眼? 定係你買左/book左嗰個廚房位? 仲有, 如果佢唔飲問都唔出奇, 但係豆漿、鈣思寶、維他奶佢朝朝都有飲, 咁點解佢要話係你嗰d??????????????
你個會計係咪面冇四兩肉, 一睇就知係D忟憎樣嗰挺老姑婆呀???
回覆刪除[版主回覆07/20/2010 11:39:00]佢更係面無四兩肉啦, 平時食飯又食唔飽, 食完lunch, 到兩點幾又沖嘢飲, 跟住3點幾又唔知叮d咩, 到左4點幾5點, 又出去食嘢, 有時仲成短通粉食晒! 你話佢有幾餓吖!!!
老姑婆就更架啦, 結又冇得結, 男朋友又冇, 連好朋友係3年前都唔係到!
係咪佢想飲，但唔好意思拆呀?
回覆刪除[版主回覆07/20/2010 11:36:00]佢唔好意思? 哼! 唔好意思嗰個一定唔係佢囉! 只不過佢唔飲汽水, 唔想執, 唔想蝕之嘛! 我地平時買左番嚟執好晒, 佢就攞嚟飲, 唔執就唔攞! 你話佢係唔係唔好意思吖!
咁一係就唔好執，大家執返自己要飲嘅嘢
回覆刪除[版主回覆07/20/2010 12:07:00]d 豆漿、鈣思寶、維他奶係我地3個都會飲, 所以你話佢問"你嗰D"係唔係好黑人憎吖! 如果佢唔飲我都唔會咁話佢!
好似之前咁, 部針機要換色帶, 佢又話"你嗰部針機........"! 你話佢講嘢幾仆街, 部針機佢又唔係唔用, 只不過佢用少d 咁解, 使唔使要分得咁清楚呀! 公家嘢, 大家有份用就有份去換! 個fax又係, 佢諗住佢冇fax收又嚟, 只係fax出去, 所以個fax 冇紙嚮到爛都唔理!
你係佢上司嘛?
回覆刪除[版主回覆07/20/2010 12:19:00]基本上我係有名冇實! 而且我唔會理個會計, 因為佢係直屬我老闆, 所以佢好多時有嘢都冇直接通知我! 而我有嘢, 都唔會理佢, 直接同老闆報佢串, 冇比面佢! 如果係細嘢, 我就會明示咁單打佢!