星期日見番d中學同學, 唔好以為會好開心, 因為我冇乜中學同學係有keep contact, 小學同學就有!
其實對住d中學同學, 一 d 好感都冇! 因為我中學過得唔開心! 自從由中一開始比人點錯相, 個個同學以為我走去同亞sir 報串嗰個之後, 基本上成班同學都只係得一兩個冇排斥我, 而其他一概同學都冇同我講嘢! 我唔知點解我係嗰時冇諗過轉校, 可能呢d就係我嘅能耐! 我好忍得, 就算冇人同我講嘢、溝通, 我都可以自己一個人, 所以我有朋友請我飲, 如果我唔識其他人, 我都會去!
我唔係好想見番d舊同學, 因為以前冇溝通, 所以而家都冇! 我記得我中一比人排斥嗰時, d repeater 係課室掟粉擦, 個粉擦掟到我隻眼嗰一刻, 係冇一個同學會企出嚟, 既然嗰時唔會係朋友, 而家都唔會係!
直至到中四, 文科理科, 調晒班之後, 我先識到我而家呢個同學! 好彩, 都有兩個keep到而家! 呢兩個亦都係唯一兩個, 多都冇! 不過就係因為調班, 所以我係嗰時識到另外一個同學, 大家玩得好開心, 就係因為玩得好開心, 所以嗰時就成日卦住玩, 連書都唔讀! 係唔係作死呢, 中四已經開始要係緊張時候啦, 居然嗰時就開始唔讀書!!! 呢個同學而家冇聯絡, 因為佢好奇怪, 佢隱蔽左, 我試過搵佢, 不過佢話打錯, 以前fd 得咁緊要, 唔通佢把聲我都認錯咩, 所以最後我都係對佢: 算把啦! 此情不再! 所以星期日嗰日雖然見番面, 但係眼神交流都冇一個, 因為我已經覺得唔再重要!
我份人就係咁, 朋友就係朋友, 好朋友就係好朋友, 我會好緊張我嘅好朋友, 我會為佢做我所做到嘅, 但係如果唔再係, 我亦都唔會再理會!
不過, 就係可能因為我太在意我認為嘅好朋友, 所以有時我會好care 佢地所對我嘅一斉!
我F.1-F.5都有一段不愉快嘅經歷呀，我係自閉架，不過好奇怪，上PE堂時，會有一個女仔，同我好夾咁一齊上堂，有時兩個人一組，我地自自然然走埋一齊...
回覆刪除[版主回覆07/14/2010 14:01:00]比人排斥仲感覺唔好受, 所以我好唔鐘意中學! 同埋, 我都唔當我d中學同學係朋友!
我都係得一兩個中學嘅朋友，因為住我娘家附近
回覆刪除[版主回覆07/15/2010 11:01:00]如果係好朋友, 一兩個就夠啦! 如果唔係好, 比成打我都唔撚要呀!
好朋友真係一兩個就夠, keep到而家都仲有聯絡, 雖然大家都各自在家庭, 但有咩事要幫手會第一時間call你....
回覆刪除[版主回覆07/16/2010 09:29:00]呢d就真係好朋友喇! 真係, 如果個朋友有事(開心事/唔開心事)第一時間搵你, 咁就知到自己係佢心目中地位啦!
如果講要好嘅好朋友, 我都係得一兩個. 但係自從生咗ANSON仔之後, 聯絡少咗, 真係要抽D時間聯絡番至得.
回覆刪除[版主回覆07/16/2010 09:33:00]係呀, 真係要架! 因為我唔係好 buy 嗰d失戀、失婚嗰d先去搵朋友嘅人! 同埋好憎嗰d有異性痛人性嗰d! 朋友唔係要嚟咁用, 就算有幾忙, 一個電話嘅問候就已經好足夠架喇, 咁當然如果出到嚟見下就仲好啦, 不過大家係好朋友, 唔使講太多都已經知喇!