星期日

今個星期我都冇同番老公講嘢, 因為洗禮單嘢我條氣都仲唔係好順, 咁既然佢成日番工都唔係屋企, 咁就早好不過, 起碼唔使成日見到佢係到上網, 因為我唔老嚟佢時, 仲見到佢上網, D火又嚟, 再者, 我同滕滕仲可以瞓得舒服D, 兩個人瞓晒張床!

今日星期日, 如果老公唔係番早班, 其實我都仲可以繼續唔睬佢, 不過佢四點幾番到嚟, 我想佢可以同個仔落公園一斉玩, 我都唔會叫滕滕問下佢一唔一斉去!

係滕滕曵嗰刻, 我發現老公佢變左! 佢冇再好似之前咁第一時間就鬧佢同話打去, 佢開始會去解釋比個仔聽! 見到佢咁, 我開始唔想再嬲佢, 縱使我仲係有小小唔老嚟佢!

唉~ 算啦! 我都想開開心心同滕滕一家去下街嘅, 所以去完公園, 番左屋企沖左涼就去左青衣城食飯喇!

其實, 我有時都幾衰, 係滕滕面前喊, 但係我真係忍唔住囉, 因為而家隻豬仔一聽到佢老豆大聲D嚟同我講嘢, 佢就即刻問我係唔係喊喇! 而家, 佢地真係開始大個喇!