架車番左嚟一個星期到, 上個星期六無啦啦比架小巴撞埋嚟, 仲係撞左埋左邊車頭乘客位嗰邊!
原本嗰日諗住帶埋滕滕一斉出去, 因為表叔生日, 不過, 後嚟滕滕因為發燒先所以冇同佢一斉去咋, 如果唔係就嚇親我個肥滕滕喇!
而家呢個車牌, 計埋今次已經係跟左我地第三架車, 但係, 跟左三架, 三架都撞過! 老公個同事話個車牌好黑, 因為我地未要呢個牌之前嗰d車都冇撞過, 一d事都冇, 但係要左呢個牌, 就架架撞, 所以話好邪喎!
但係我同老公講, 會唔會係個人黑, 唔關架車事! 但係諗諗下, 又係真, 點解跟左三架, 三架都有撞吖! 所以可能真係換左佢會好似安心d, 因為老公要番晚班, 成日夜晚揸車架!
會唔會架車顏色唔夾佢八字呀?
回覆刪除佢農曆幾月生日?
[版主回覆02/10/2010 11:44:00]我都唔知佢同咩色唔夾! 一架係白色, 一 架係深藍色, 而家係黑色! 之前唔係呢個牌, 都有架深藍色, 嗰架都冇事!
佢農曆八月生日架, 仲咩呀, 你識算架??? 係就同我計下喇.......不過, 就算真係唔夾都冇乜計, 因為我老公鐘意冷色, 所以冇咩好撰!
白,金,銀,黑,灰都得喎，即係唔關顏色事啦
回覆刪除係咪犯太歲呀?
[版主回覆02/10/2010 12:40:00]基本上, 佢呢幾年佢都好似犯太歲, 但係都唔係好關事, 因上兩年都冇撞呀!
咁去換牌啦
回覆刪除[版主回覆02/10/2010 13:00:00]可能真係要! 因為我地都諗住........
我覺得關架,我之前架車揸左2年,未撞過,未影過快相,換左車連車牌都換埋就出事,唔夠一個星期俾人影左幾次快相...
回覆刪除[版主回覆02/10/2010 16:28:00]咁我叫老公快D去先, 因為好似好邪~