今日去左梓祐個嫲嫲到拜年, 原本每年都係初二去架, 不過因為唔想見到d唔想見到嘅人, 所以就改左初三去喇!
一入到屋, 滕滕居然冇喊喎(係第一次去架) ! 真奇啦, 因為呢幾排去親邊個到, 一入到屋滕滕就一定喊, 仲要痴到我揇到我實, 唔可以放開手, 所以見佢唔喊, 我就仲唔成機鬆人咩!
我叫嫲嫲抱, 滕滕又肯喎, 我問嫲嫲: "你係唔係同佢開左光呀, 佢真係一d都冇事喎! 會唔會係因為以前係我個肚到, 聽慣左你把聲呢, 所以佢一d 都唔驚喎?!"
係嫲嫲到坐左一陣, 就番去亞媽到喇! 今次番去, 滕滕都冇啱喇! 所以真係好神奇, 唔通嫲嫲有d咩正氣比左滕滕???
嫲嫲比左ｄ豆沙角我食呀，好好味架！因為係東莞家鄉小食，叮熱左，都不知幾好味！
呢d係緣份囉.........
回覆刪除[版主回覆02/17/2010 00:08:00]可能真係呀！嫲嫲講嘢好大聲，佢一Ｄ都唔驚，仲好好笑容潻呀～
仲笑唔喊咁叻...係咪之後都無喊喇
回覆刪除[版主回覆02/17/2010 17:30:00]真係好神奇, 因為之後去我亞媽到, 真係冇喊呀!
早知上次即刻去嫲嫲到啦，唔洗又拜呢個又掃嗰個嘛
回覆刪除而家肯比爸爸抱未呀?
[版主回覆02/17/2010 23:30:00]都唔知原來嫲嫲咁勁架嘛!
自從燒完第二次嘢之後, 佢都肯比佢老豆抱喇, 如果唔係我就散啦!
呢啲真係人夾人緣
回覆刪除[版主回覆02/17/2010 23:57:00]但係嫲嫲真係寧捨唔同, 因為我亞媽、奶奶, 佢都冇咁!