尋日食開年飯, 唔使問亞貴, 例牌都係食蠬蝦!
四個人, 叫左隻蠬蝦四斤十二兩! 縱使可以避過團年飯, 說服老闆叫佢叫隻蠬蝦細隻d, 但係呢餐開年飯就真係難逃一劫! 因為佢話新一年係新嘅開始, 第一餐一定要食得好, 所以都已經預左兩日lunch 都係蠬蝦餐(幾串呀, lunch 食蠬蝦喎 
頭先下午十二點幾, 銀行經理上左嚟, 同老闆吹左輪水, 老闆就突然入嚟同我講, 話一斉去鯉魚門食海鮮! 吓, 又食海鮮??? 係, 又食! 所以今日lunch又係食海鮮, 不過好彩唔係蠬蝦, 係鮮鮑、大蝦、象拔蚌刺身同瀨尿蝦!
咁尋日嘅蠬蝦就唯有留番之後嗰兩日食啦, 所以今個星期仲唔係
你係咪晒命呀, 唔想食叫我嚟幫拖呀!
回覆刪除D咁好嘅老闆去邊度搵呀?
[版主回覆02/24/2010 09:06:00]講真, 真係好過自己老公呀!
我...無奈
回覆刪除[版主回覆02/24/2010 10:46:00]我應該要問下我老闆, 佢係唔係鐘意肥妹囉, 如果唔係, 佢唔會下下ch 到我咁行啦!
又唔係日日都係咁，一餐半餐肥得去邊呢
回覆刪除[版主回覆02/24/2010 11:02:00]都唔係唔成日架, 如果公司就更係唔係成日啦, 但係如果講只係我地兩個, 有時一個星期都有一餐架! 仲要係餐餐都飽都嘔! 10之中有11架!
你老闆幾鍚你
回覆刪除[版主回覆02/24/2010 11:31:00]都唔係幾錫, 係好錫! 所以第二世應該都搵唔番!
咁係咪人工高，福利好...呀
回覆刪除[版主回覆02/24/2010 12:06:00]而家都ok啦, 但係如果再高d, 咁就更係仲好啦!!!
至於福利就油麻地, 因為我地係細公司, 唔算係好好, 跟勞工處囉!
每個人都希望人工再高一啲...
回覆刪除我都希望我人工再高一啲，但我知道出面個市，跟本唔會出到呢個價錢請我喇，所以...我應該知足
[版主回覆02/24/2010 12:36:00]我唔知個市係點, 因為呢份工係我咁大個女嘅第二份工咋!
你有時間就打開份報紙望下啦，可能有時出面人工高啲，同老闆追返個價嘛
回覆刪除[版主回覆02/24/2010 12:54:00]我唔會同佢還價架喇, 因為我諗住呢世都跟住佢呀~
呢一世咁嚴重?你上次睇個相士好似話你就快同佢結束賓主關係喎
回覆刪除[版主回覆02/24/2010 14:18:00]嗰個都唔準嘅! 因為嗰時我已經都諗住跟佢一世架喇!
只要唔信就唔準架喇，切記
回覆刪除[版主回覆02/24/2010 14:40:00]咁又唔係呀! 我而家呢份工, 係問黃大仙架, 我問做唔做好架, 跟住我就信左佢, 所以而家先有幸福咋!
咁咪係囉，因為你信，所以咪靈囉，你唔信咪唔靈囉
回覆刪除