滕滕星期五半夜, 我已經發覺個頭仔有小小興, 諗住唔知係唔係本身天氣唔係好凍, 所以熱熱地唔出奇, 所以到第朝飲完奶過左一陣, 睇下會唔會都係咁, 飲完奶過左成半個鐘同佢探熱, 個result 係100度! 因為100度唔算高, 只不過係好輕微, 所以貼左退熱貼, 冇同佢睇醫生!
不過, 去到星期六凌晨三點幾到, 我發覺滕滕好似好滾, 所以叫醒左老公幫滕滕探熱! 嘩, 102呀! 跟住就即刻去雪柜攞上次肛塞嗰半支藥同滕滕塞住先, 因為上次半夜去睇24小時嗰d醫生唔係好掂, 所以唔想再去!
到左朝早, 同滕滕去睇醫生, 我問醫生可唔可以比d肛塞藥我看門口, 但係醫生睇下睇張卡就答: "唔得! 因為佢未夠一歲, 唔可以比肛塞藥, 因為如果退燒退得太快, 會抽筋架!" ..........吓! 唔係嘛, 會抽筋, 咁我尋晚半夜咪做左一樣好危險動作?! 嘩, 好彩冇事咋!
見完醫生, 係到等攞藥時, 我就同老公講: "d 24小時嗰d醫生真係好唔掂(我係去睇屯門錦華嗰間新X到睇架), 亂咁嚟架, 原來咁細個唔可以用肛塞架! 好彩上次滕滕冇事咋!"
曾經聽過人地話: 小朋友每發燒一次, 就會長高長大一點!
今日同滕滕影左幾張相, 再睇番, "E, 好似真係又大個左喎! 而且仲man左潻!"
滕滕豬, 點解你次次都等媽咪week-end 先嚟病嘅? 你係唔係唔想媽咪請假同你去睇醫生呢?!
滕滕咁識諗呀, 放假先嚟病, 但唔病就最好喇~!
回覆刪除係呢, 滕滕會唔會係出牙仔呀?
[版主回覆02/08/2010 09:13:00]我初初都諗佢可能係出牙仔, 不過後嚟去到102就唔睇醫生都唔得! 見完醫生, 醫生話佢喉嚨發炎, 同埋呢兩日可能個喉嚨好痛, 飲奶同食粥都少左呀~
真係慘喇, 佢最鐘意嘅99都飲少咗呀, 睇嚟都好痛下喎!
回覆刪除[版主回覆02/08/2010 15:32:00]我估都係幾痛, 因為佢飲奶飲起碼少左3分1呀!
呢暈應該係瘦滕滕, 唔係肥滕滕喇!
係呀, 我都覺得錦華商場樓下果間24小時D 醫生費費地, 之前我都睇過一次, 真係唔係夜晚自己突然間病起來都唔好去呢間睇, 又等得耐......
回覆刪除[版主回覆02/08/2010 22:22:00]係呀! 仲有一個不可告人嘅秘密係關於呢間嘢, 你私人回應我, 等我話過你知! 因為我有朋友係呢間嘢到做過架!