滕滕兩個星期前就成日係到喊, 係嗰個moment, 可能縱慣左佢, 所以佢去到半夜係到喊, 我都"呆"佢, 直至佢瞓冧為止! 不過咁樣唔係辦法, 因為佢呢個星期, 已經正常番好多, 見到佢老豆都冇好似之前咁驚, 又肯比佢抱, 所以我希望可以還原番我正常嘅生活 - 就係半夜可以一覺瞓到天光!
因為已經成兩個幾三個星期, 晚晚半夜都要醒, 所以前兩日, 滕滕半夜係到嘈, 叫我嗰時, 我真係忍唔住...........
前晚半夜, 第一次佢叫我, 我都有抱佢, "呆"佢瞓, 但係一放番佢落床, 佢又係到嘈, 仲要即刻扒轉瞓, 我張佢反番轉, 佢又扒轉, 番反轉, 佢又扒轉, 如事者都成三次, 好啦, 見佢唔再郁, 我就上床瞓喇, 過左一陣, 佢無啦啦又係到叫我, 仲坐左係到, 咁我即係又要起身囉, 又再"呆"佢, 無求要佢以最快時間瞓番嘛, 不過, 放佢落床嗰時, 佢又好似之前咁反嚟反去! 所以第三次抱番佢起身嗰時, 我就真係火火地, 因為已經第三次, 唔知佢想點, 係想同我地瞓, 定係想我抱住佢抱耐d? 所以見唔對路, 佢未瞓番, 我就放番佢落床!
咁當然滕滕就一定嘈啦, 所以我就即刻好惡咁同佢講: "你究竟想點呀? 晚晚都係到嘈, 而家係覺豬時間, 你唔好再係咁喇, 你再係咁, 我就打cc pat pat 呀!!!"
講完之後, 呢個曵豬郁都唔郁, 一d聲都冇, 跟住就自己瞓喇, 連眼都唔敢望我!
吖, 你話係唔係唔鬧唔得呢! 直至到尋晚, 佢都冇再半夜醒喇! 咁你話佢係唔係蝦我吖! 真係要鬧先至聽話架!!!
真係比你兇到佢喎~~~勁呀
回覆刪除[版主回覆02/04/2010 22:45:00]真係要兇一兇佢, 費事以後佢以為可以無法無天呀!
我個仔之前都係咁樣成個星期,之後我同你一樣頂唔順鬧佢,佢之後就乖乖訓覺,雖然都有醒,但係好快就訓返,所以真係要兇一兇佢先得~
回覆刪除[版主回覆02/04/2010 22:46:00]但係我好驚佢幾日後再嚟過, 因為你知佢地D記憶有時好短暫架嘛!
你都好忍得喎, 俾著我出手抦咗佢好耐lu!
回覆刪除[版主回覆02/05/2010 10:11:00]唉! 當佢半夜叫我: "媽呀!" 咁個心就會軟一軟, 同埋佢上兩個星期係痴線期吖嘛, 所以咪到左佢而家好似冇晒事就先嚟出手囉!
好搞笑吖 … 佢真係好似識聽咁
回覆刪除[版主回覆02/05/2010 17:31:00]佢應該真係知道我鬧佢囉, 因為佢半夜起身嗰時, 係咁叫架: 哇....哇....哇...媽呀...哇...哇...哇...媽呀.....