今日好開心, 終於可以見到梓祐喇, 因為大大話話都差唔多成半年喇, 咁耐以嚟, 我都未試過咁耐冇見佢架, 所以今日我真係望到佢眼都唔眨, 望下佢睇下佢有冇唔同左!
一路食飯我就一路問佢升左中一之後, 有冇唔習慣, 有冇衰同學, 有冇人蝦佢, 仲有冇比佢個乞e恰, 仲有冇比佢個乞e老點佢去洗廁所, 但係有一樣嘢我估都估唔到, 梓祐佢終於都爻佢個乞e咀喇!
一路以嚟, 我都教梓祐不平則嗚, 我唔係叫佢係又爻, 唔係又爻, 但係如果比人屈就一定要出聲, 如果明知自己係冇錯, 點解要食死貓先?! 所以佢話而家佢個乞e叫佢做嘢, 而佢唔想做, 佢就會問: "點解你唔做呀?"
雖然呢句說話要講出嚟唔係好難, 但係比著以前嘅梓祐, 佢真係驚過鬼, 一定死都唔肯講喇! 而家, 佢直頭係勁潻啦! 佢仲話尋晚佢老豆問佢今晚係唔係約左我食飯, 佢第一句就反問番佢仲咩事喇! 梓祐, 睇嚟你真係已經大個左喇, 有d嘢, 真係唔可以唔反抗架!!!
因為今晚食飯, 係補祝梓祐生日嘅, 所以我買左隻 G-SHOCK比佢, 我買左黑色, 因為我覺得幾型, 不過好彩, 梓祐睇見都好鐘意, 因為佢個樣已經表現左佢都覺得好靚, 所以睇見佢咁開心, 我都好開心!
大個仔喇，你唔洗成日驚住佢會比人恰喇
回覆刪除[版主回覆03/01/2010 12:20:00]都係架, 不過好多嘢都要睇佢自己做化囉, 因而我始終唔係成日係佢身邊嘛!
可以上網，可以電話嘛~~~
回覆刪除驚佢反叛得滯，連你都反呀，同佢CLOSE啲啦
[版主回覆03/01/2010 12:53:00]見面好d囉, 因為我同佢都好多嘢講, 由細到大我地出街都講下呢樣講下嗰樣, 天南地北乜都講得一餐, 不過同佢講電話, 佢就唔多講嘢!
咁你多啲同佢出黎傾下，玩下啦
回覆刪除[版主回覆03/01/2010 14:25:00]佢而家成日都話好忙, 好似今次咁, 已經係第三個期嚟架喇!
佢係真係忙，定還是有人唔比佢出呀?
回覆刪除[版主回覆03/01/2010 16:09:00]應該有50%係佢唔敢出, 而另外有50%應該係佢唔想出!
因為升到中一, 好多佢地d咁嘅年紀都唔係好想出街, 寧願係屋企囉!