我咁大個女都係做過兩份工, 第一份就係係 Lamex 到做, 一做就做左12年, 係Lamex嘅之後, 就係呢一份喇!
前日同老公嘅幾個舊同事食飯, 其中一個(女人)就問我有冇工介紹比佢個女, 佢個女係讀會計, 已經畢業! 好啦, 尋日個forwarder 請食飯, 咁講開咪問下佢公司請唔請人囉, 咁啱佢公司就係想請會計, 最好係去年畢業嗰d, 因為政府可以有得資助d企業喎! 所以尋日放左工, 就打比我個朋友, 問下佢個女係邊間畢業, 係今年將會畢, 定係舊年畢, 如果可以叫佢個女直接打比個forwarder。 不過, 都未講個forwarder個電話比佢聽, 佢就問我嗰間係咩公司, 咩係forwarder 公司, 做邊一類型, 係邊到番工! 佢問左幾條問題之後, 我就已經知道我又做錯事喇!
因為我個心一路都以為出面個市唔係咁好, 好難搵工, 尤其係d啱啱讀完書嗰d, 如果幫到人就幫啦, 不過, 可惜我又估錯!
我想知........
乜而家大學讀完書出嚟, 可以好容易就搵到工喇咩? 冇經驗都係?
乜而家都仲係人撰工, 唔係工撰人架? 我仲以為工搵人只係係亞媽做毛衣廠嗰個年代先係潻!
乜而家d年青人番工都要撰地方, 近自己屋企架?
新一代青年人要求人工高福利好嘛，佢地似住有亞爸亞媽照住囉
回覆刪除[版主回覆03/01/2010 11:47:00]咁恭喜佢地啦, 呢世都可以唔使搵工喇!
我只可以話....唔係難, 如果佢唔係要求好高人工, 大公司都會請, 不過問題係做野的attitude,而佢地如果係香港grad 的話, 我可以百分之二百咁講, 比o係海外回來的, 係再難找工, 因為英文唔夠人地勁, 除非係cu 同hku....否則入得大公司都好難。而account 呢一行, 唔做大公司就會好難去charter, 所以會有好多問題, 但到佢做左一些時間, 就未必想去charter, 因為冇做會計c 樓根本冇可能咁易charter 到....
回覆刪除[版主回覆03/01/2010 12:10:00]所以我都唔知我老公個舊同事都知唔知佢個女, qual 又唔夠人地好, 又一d經驗都冇, 都仲覺得佢個女大把貨, 又要求呢隸, 又要求嗰樣!
係，所以我唔知而家啲後生諗咩?
回覆刪除可能比亞爸亞媽寵壞啦
[版主回覆03/01/2010 12:14:00]所以我唔會再幫佢同佢個女問, 尤得佢!
做得好呀
回覆刪除[版主回覆03/01/2010 12:59:00]我希望佢可以搵到主好人家囉!