其實當滕滕越嚟越大個, 越嚟越懂性, 我某程度上有d位唔係咁開心!
因為我日日就見到滕滕咁~
唔使番學, 就更係咁上下, 日日都係屋企行嚟行去, 攪呢攪路, 交流流又一日!
不過我睇見滕滕日日咁, 我就覺得好浪費, 係浪費晒d時間! 可能係因為屋企唔會有老人家係到, 所以我成日都覺得滕滕好孤單! 雖然話就話有工人姐姐係到陪佢, 但係工人就係工人, 就算工人同佢玩都唔係好似我同佢玩咁, 或者係公公婆婆咁, 係用心嚟同佢玩!
只係我估, 我估滕滕可能其實每一日佢都好似我地番工咁, 我地就等收工, 佢就等我地收工! 我諗唔知係唔係終於都等到我地"番屋企喇", 嗰一刻可能係全day 最開心嘅時候! 因為聽奶奶講, 佢一日都同佢講住: "爸b番工搵錢錢! 媽咪番工搵錢錢!"
可能佢地而家都仲未知咩係"番工", 咩係"搵錢錢", 但係我覺得佢地已經知道, 爸b &媽me 每day都一定要番工, 唔番工唔得! 所以有時星期六想偷雞出去一兩個鐘, 同隻豬仔講 "媽me番工好快番", 咁佢就會唔再嘈唔再話要跟出街喇!
所以我真係好想滕滕可以快d 番學, 我唔想佢日日係屋企咁, 因為睇見佢得自己一個係屋企到, 冇嘢做就賴係地下上面都唔知仲乜, 一日老黑都係戇居居咁得自己一個, 好似好可憐咁~
我估滕滕可能其實每一日佢都好似我地番工咁, 我地就等收工, 佢就等我地收工! 我諗唔知係唔係終於都等到我地"番屋企喇", 嗰一刻可能係全day 最開心嘅時候!
回覆刪除==> 你咁講, 我都有 d 眼濕濕。佢地真係好可憐, 咁細個就要戇居居自己一個 ~
[版主回覆07/03/2011 00:53:00]所以我真係好想好想佢快D番學!
比d 野佢學下lo...
回覆刪除[版主回覆07/03/2011 00:53:00]都有諗過搵, 努力中!
你無比佢讀n1咩?n1兩歲就可以讀架啦!佢去讀書會開心啲架!因為小朋友多,一齊玩真係好開心架,我知我個囝囝去公園同啲小朋友玩,玩到阿媽响邊都唔知道呀!
回覆刪除得佢一個就真係可憐啲囉,每日都係等媽爸放工,好似我個囝囝咁,雖然爸爸唔係好理佢,但佢一聽到有門聲就好興奮,一見到爸爸就好雀躍!等待的那種心情,滕滕真的.........有啲酸哦,不過為咗賺錢都無計架!你可以體會到滕滕的心情,足以睇到你對佢的愛........無限.............
[版主回覆07/03/2011 01:03:00]佢今年9月就讀N班喇, 不過睇見佢而家日日都係咁, 個心有d唔開心囉~
唔好咁啦,個個細個都係咁架啦
回覆刪除[版主回覆07/03/2011 01:05:00]以前我地個年代, 家家最少都有兩個小朋友, 而家唔同, 好多只係一個, 所以而家d小朋友係屋企真係好悶, 成日等爸爸媽媽番嚟先係最開心嗰一刻!
我都好想好想好想我個仔有學返。我有間心水幼稚園, 6月,7月 & 8月辦講座, 我報左 7月果個。見個名單都有幾百人報左。仆街!!! 3場加埋又千幾人爭!!!! 好驚 law!!!
回覆刪除[版主回覆07/04/2011 14:05:00]唔使驚啦, 都要預左喇! 我初初都由好有希望變到好失望........
所以要大包圍呀!!!
我無架，得我一個咋...
回覆刪除[版主回覆07/04/2011 14:03:00]咁你細個嗰時邊個湊你架?
一個媽咪嘅朋友，佢無做嘢架，咁咪湊我囉，阿姨啲仔女全部都出晒去做嘢架喇，到我7歲以為有個妹妹可以陪我玩下，點知比婆婆帶走去昆明，到妹妹返黎時，我都10歲喇。
回覆刪除[版主回覆07/04/2011 15:59:00]哎呀~ 陰公囉, 等姐姐錫番你呀!!!
我都咁大個喇=.=
回覆刪除