星期六去整牙, 個牙醫識左成十幾年, 識到好似朋友咁济, 講嘢都唔使就住就住!
我帶埋滕滕去比佢睇下d牙, 最重要就係知道佢d牙有冇哨牙! 吹開水, 佢問滕滕幾多歲, 我跟住就答佢, 我未教, 跟住佢又再問1跟住係咩, 我又再答, 我未教, 佢只係識數由one to ten, 如果問跟住係乜, 佢唔識, 因為佢唔識咩係"跟住"!
牙醫fd聽到我連續兩次都話未教, 佢就小我喇, 佢話我仲咩唔教佢, 好要而家教啦!
又係自我檢討嘅時候!
而家日日, 我都仲係同滕滕train 緊A-Z, 中文&英文嘅11-20, 仲有color, 仲有動物, 仲有身體各部份!
A-Z, 26個英文字母, 佢只係有4-5個仲未得, 仲係skip skip地, 有d未發到音!
中文&英文嘅11-20, 我未試過要佢自己一連串背出嚟, 每次只係跟我讀, 而有時佢可以自己讀出跟住嗰個字係咩字, 而且每晚, 我都會讀4-5次!
而color, 我唔知佢玩嘢定係點, 有時blue, green, purple, black, white, red 都可以話比我知, 但係有時就個個都係green!
動物呢, 基本嘅dog, rabbit, horse, fish, turtle, zebra, cat 都識, 只係仲有幾個基本嘅, 就成日唔記得!
仲有身體, 好多大部份都識晒, 除左我都唔識嗰d, 而且係瞓覺前係咁篤落我到, 自己係咁講d部位出嚟, 講完仲話"好嘢"!
佢而家, 我想問係唔係要攪掂晒以上呢d先好再study 其他嘢?! 其實我晚晚咁train佢, 我都有時都想停下, 但係點解牙醫fd話我好多嘢都唔教佢???
其實人地問滕滕嘢, 我就更係第一時間教滕滕啦, 但係唔係講一兩次佢就可以記得架嘛~ 而家牙齒fd咁講, 咁我係唔係再要努力d呀?!
我有幾個朋友都買迪住尼嗰d video卡通比d細路仔睇. 日睇夜睇, 唸口旺咁會記得.... 同埋佢地聲稱d卡通無論係colour, 角色人物都super吸引到d細路既注意力去learn架喎. 妳會否試吓?? 比個仔唱歌仔咁唱住先, 第時快d上手嘛.
回覆刪除[版主回覆06/27/2011 10:59:00]我都有呢類型架, 不過佢睇一陣就唔睇喇! 再加上, 我唔想佢睇得太多電視呀, 就算係有學習功能嘅, 我都唔想比得佢睇太多, 因為雖然呢d係有益, 不過始終都係動畫, 而且當佢第日番學嗰時係要對住本書, 而本書係唔識郁, 咁小朋友就會覺得悶唔鐘意睇書架喇!
係啦，你買啲abcdefg嗰類歌比佢，等佢日日聽，點都快過你教佢啦，教埋佢學錢啦，1蚊2蚊5蚊10蚊等等
回覆刪除[版主回覆06/27/2011 11:01:00]我屋企大把英文 CD歌, 不過轉左呢個工人之後就好少開比佢聽喇!
而且呢個滕滕, 聽聽下歌又會自己攞隻CD出嚟玩, 比佢整到D CD 花晒! 所以D碟好多都收埋左!
要睇下你個仔 d 個性。我都有 迪住尼嗰d video卡通, 不過, 我個仔無心機睇。佢反而鐘意睇書 & 聽歌 。佢識 d 形狀係睇書 + 新奇晝板。A B C 係聽歌既。
回覆刪除至於顏色都係睇書 ~ 不過, 同滕滕一樣, 成日講 green ~
而我地就無 fix 時間表既, 得閒就教下。
[版主回覆06/27/2011 11:03:00]我個滕滕又係唔會睇得太耐, 最多15分鐘到就走人!
而家, 我都係晚晚放工番去同佢睇書仔&學下嘢囉!
不過, 你知道我地對佢地D時間幾少架啦~
RELAX! 滕滕媽, 滕滕都入快學啦! 你教哂佢D嘢, 老師教咩呀? 唔好填鴨啦! 用玩嘅方式教佢, 佢開心時, 你又ENJOY. 況且聽你咁講, 滕滕已經識咗好多嘢啦! 唔好迫到佢驚咗至真!
回覆刪除[版主回覆06/28/2011 12:51:00]我平時都係用玩咁嚟同佢唱abc歌仔囉, 而數字, 我都係唸口黃咁轉下轉下個頭嚟玩住講架!
我就係覺得佢資質唔夠所以先早d教佢, 如果佢好似我姨甥仔咁聰明, 我就唔使咁早教佢喇!
咁熙熙咪好大鑊...A-Z仲係識得幾個咋...1-10只係識2/4/7/10, 因為我唔想佢係唸口黃, 而係真係識得個字...
回覆刪除[版主回覆07/06/2011 16:13:00]我只係唸口黃咁教滕滕咋, 因為叫佢專心去學真係好難架, 見佢而家坐係到睇電視唔郁都唔得啦!