唔知係我自己比壓力自己, 定係呢個HK比緊壓力我!
自從舊年去 interview 之後, 發現想讀一間幼稚園原來係好難, 你好想入, 但係唔代表佢要收你! 就算你搵到間學校, 都發現而家好多家長係好痴線! 因為我有個客個仔大滕滕兩個月, 佢同我講歲半就比個仔去上堂, 上下英文堂!
滕滕! 從佢日常生活, 我唔見佢係聰明, 仲好似蠢蠢地(似我老公就大獲!!!), 就係因為蠢蠢地, 所以, 我而家晚晚同佢唱ABC, 希望可以早D識得廿六個英文字母!
唱ABC之餘, 仲想 train埋佢由eleven to twenty! 因為我想今年再同佢in K-1, 所以我又要同佢train 水果, 又要同佢train color............
你滕滕都識多嘢過我個囝囝好多嘢,我個囝咁傻,又唔肯學嘢,脾氣又差到死,我都唔知道有無學校收佢呀,真係好擔心,前排都去幫佢揾緊學校,但好多都話要足兩歲先可以報名,只可以交報名表格,而且好多明年要讀都滿額了,你話誇唔誇?
回覆刪除依家去讀書點解要識咁多嘢先可以揀到好學校,去返學做咩先,就係唔識先去返學,但係依家點解要識晒咁多嘢先可以去返學,依家呢套跟以前那套已經完全唔同晒啦!
[版主回覆06/16/2011 10:38:00]你個仔細滕滕咁多, 唔識得好多嘢係好正常, 所以你又唔使好似我咁擔心嘅~
因為我想滕滕再interview過, 所以先同佢hard train 之嘛! 不過如果你有理想學校同佢入, 就入定表都唔怕, 因為而家d人真係好早好早就遞表架!!!!!!!!!!!!!!!!!!!!!!
而家頭暈?咁之後廿年學習生涯，青少年反叛...咁點呀? 我知道有好多家長，個bb都未出世，就排幼稚園，呢啲真係痴線喇
回覆刪除[版主回覆06/16/2011 11:05:00]唉~ 我而家都明白點解喇, 而且仲後悔唔同滕滕早d遞表呀!
我個仔平時口水多過茶, interview 果陣就變 "urm 春", 仲頭赤!!!
回覆刪除依家無人收 pn, 出年一定要大包圍, 有咁多間報咁多間!
我呢排都係同佢唱緊 ABC song 呀~ 都有 d 進步, 不過成日 QRS 唱成 QR V !!!!
[版主回覆06/16/2011 14:09:00]有時d嘢就真係好難講, 尤其係interview 嗰時~
就講話上次我上ywca個playgroup到, 見到個女仔成嚿飯咁都話入到 N 班喎~ 所以可能都有學校鐘意 "urm 春"都唔定~ 又或者你個仔嗰仔唔做urm 春, 做左隻雀都唔定!
You should read to him or read with him everyday. That's what we have been doing to Keira. We started reading to her when she was 2 months old.
回覆刪除http://kidshealth.org/parent/growth/learning/reading_toddler.html
[版主回覆06/17/2011 12:18:00]係hk, 好多男仔都坐唔定, 比起女仔差好遠好遠!
我見到好多女仔, 由bb開始一路一路大, 佢地都可以有定定地坐係到嘅時候, 但係, 男仔, 好大部份都係痴左線! 痴左線咁日日係間屋到自己跑, 不停走, 而滕滕, 日日都好似痴左線咁囉~
我都買左好多書放係屋企, 不過佢未識睇嗰時就張d書嚟咬, 而家識睇, 就可以得閑同佢睇下!
由出世到而家, 佢最長時間係可以坐定都係唯一一次, 就係之前去沙灘玩沙喇! 平時如果我同佢一斉, 你想佢坐多過10分鐘都幾難, 5分鐘都未必可以呀!
如果你個囡肯坐定同你一斉睇就更係好啦, 因為我都唔想咁貪心, 如果佢每日肯坐定定10分鐘我都願呀!
男仔, 好大部份都係痴左線! ==> 真係 ga!!!!! 女乖 9倍都唔止啦!!!
回覆刪除[版主回覆06/18/2011 23:35:00]係囉!!! 仲有, 我都講少左, 佢唔止係屋企痴左線咁跑, 仲有痴左線咁跳, 痴左線咁擒, 痴左線咁除衫除片, 仲有線左線咁叫! 你話佢日日都唔會少做以上一樣嘢嘅, 佢又有咩時間可以停呢~