今晚, 同個朋友食飯, 而呢個朋友識左都有一段時間, 不過今晚都係第一次見, 所以都幾緊張啦~
我直覺覺得佢知道我唔開心, 所以我係佢個fb到聽到佢話今晚佢個拖友倍唔到佢, 就隨意咁就話諗住搵佢食飯啦, 點不知佢好認真咁話約一日出嚟食飯喎!
呢個朋友仔好傻, 諗嘢唔會好似我咁複雜, 所以我覺得佢成日都會好開心, 就係因為咁, 我越嚟越發現我條頭腦線真係有料到, 就係我嘅疑心真係好緊要! 好多時我唔想諗, 但係個腦係不由自主去諗一d唔好嘅嘢!
我唔想, 不過好多時都唔由我control, 而且同呢個朋友仔食完飯, 我發現到原來其實我跟本好蠢, 蠢到連去做一個好老婆都做唔到! 因為我嘅性格、成長, 另到我越嚟越同老公溝通唔到, 我唔想同老公嗌交, 但係往往自己忍唔住嘅性格, 攪到我同老公成日冷戰!
有時我係到問自己, 點解老公明知我係咁樣, 都唔遷就我, 但係問番自己, 明知老公都係咁, 點解自己都唔可以忍下!
我唔知自己情緒上係唔係有問題, 但係我呢排真係好唔開心, 因為每每諗起老公好似對自己莫不關心嗰時, 我就真係好想喊, 好想問自己點解做人老婆做到咁, 係唔係個問題係自己到.............
其實...點解你唔諗你老公好個方面呢?佢係為頭家啫，又唔係出去玩，唔好再鑽牛角尖喇，come on )))好似今日陽光咁燦爛，ok?! 我明，我明，你實講，你老公無乜點理你嘛，但你再諗深一層，bb都開始大喇，呢個搶錢嘅年代，供書教學，供車供樓供養老婆，有邊番唔係錢字行頭?襯有能力搵多啲，bb大個你地都老啦，到時，仲邊有咁多搵錢機會呢? 傻女呀!!!唔好再諗埋一邊喇，當你再諗起老公唔陪你時，請你同一時間諗，你老公係為頭家 衷心祝你，幸福‧快樂!!!
回覆刪除[版主回覆06/07/2011 22:47:00]咁如果我搵左佢成日都搵佢唔到呢? 好多嘢我都唔想諗咁多, 不過就係因為佢唔肯比我見佢D同事, 好多時都避開唔比我見, 我話一斉食飯佢話唔好, 咁你話我會唔會懷疑先?! 我以前唔會覺得咁冇安全感, 因為佢身邊D人我識, 但係而家佢一D都唔肯講(係佢冇講), 就算我問, 佢都話佢公司好多人事複雜, 好難講得晒! 我都唔想發現到D咩, 不過我FEEL到佢好少關心我囉~
張雪球講得好岩架!趁依家係揾錢嘅好時機,真係咪放過呀!夫妻之間吵鬧係常有的,我都差唔多每日都同老公吵架架,成日吵鬧,但係轉頭就無事啦!
回覆刪除如果只係為咗揾錢,佢係無咩對唔住你嘅,真係無咩嘢呀!你老公成日要工作,有時仲幾日回唔到家,其實佢都好辛苦架,所以我們作為老婆的要體諒下!你都真係諗太多啦!有時候我情願老公返多啲工作,咁就可以揾多啲錢啦,因為我有咗之囝囝後,佢係比平時返少咗OT,佢話係因為要陪我同囝囝,但係我其實係唔想佢咁諗,佢在家真係咩用都無,佢只會坐响道打機,又唔會幫我!仲會成日吵個半死!
[版主回覆06/07/2011 22:43:00]你老公唔係番工就係屋企, 我老公唔同, 人地搵佢, 佢會出去, 更何況佢轉左嚟呢間公司之後, 一直都唔比我見佢D同事, 所以我直覺覺得佢D同事有問題!
好多男人都懶 / 遲鈍。而且自尊心好強, 有壓力唔表達。 不如試下同你老公直接講下你既感受, 想佢陪你多 d 。
回覆刪除我之前, 喊晒咁同我老公講呀~ 佢都好坦白同我講佢既感受。唔好成日覺得佢明知乜乜乜... 但又唔乜乜乜... 因為可能真係唔係你咁諗。佢可能背後有其他考慮 ga。以我地為例, 原來我中間有好多唔理解, 講左出來。大家都會了解多左, 身諒多 d, 又開心 d~
加油!!!! 加油!!!
[版主回覆06/07/2011 22:40:00]我之前都有同佢講過, 佢答我係咁架啦,生左個仔, 係要做多D架啦, 唔做邊有錢喎! 就算好似之前未生咁, 佢都知道我係想佢陪我, 我要人唔要錢都得, 因為我覺得知足常樂, 但係可能因為佢覺得自己冇用, 所以而家搵到就搵多D囉! 不過, 我覺得佢而家D同事有D問題, 因為佢以前唔會唔比我見佢D同事架, 但係轉左嚟呢間公司之後, 好似好多嘢唔想比我知, 因為我有時搵佢搵唔到, 番嚟問佢佢只係答我佢好多嘢做! 我唔開心, 係因為咁!
可能佢依家 d 同事唔係 family man, 如果帶埋老婆出 o黎會比人笑。男人要面 ga ma。 唔講公司野, 可能怕講左 d , 你仲問得更多, 佢仲煩。
回覆刪除另外, 佢工作壓力大怕講你聽佢既唔開心, 佢可能怕會顯得佢無用卦。咁不如你又試下熱情 d, 反過來比多 d 關心佢, 男人多數受軟唔受硬既。用你既熱情溶化佢, 等佢時時記得有個好老婆 & 乖仔 o係屋企既。
[版主回覆06/08/2011 12:04:00]我都明白佢公司d同事可能未必有家庭, 不過唔代表佢唔使關心我! 我老公好要面, 仲要係九唔搭八都要一餐, 所以有時都幾頂佢唔順!
用你既熱情溶化佢? 我有時睇見佢坐係個電腦前面郁都唔郁, 嗰把火就即刻嚟啦!
我都唔明, 點解做女人要做得咁辛苦, 想keep住一段好關係, 就要想盡辦法!
哈哈，你老公同我老公一樣，都係唔比我見佢啲同事，有時我煮好晒餸，佢一個電話打返黎話要同同事食飯，當下我個心一沉，但我好快又無事地，好開心愉快嘅聲音同佢講 : 好呀，同佢地食得開心啲，我自己會食飯，有電視陪我架，早啲返喎...記住買消夜比我食呀 我會選擇用一個開心方法去面對一啲突如其來發生嘅事情 兩公婆最緊要係個信字(雖然我都成日講大話呃佢 )
回覆刪除[版主回覆06/08/2011 14:14:00]佢唔番嚟食飯, 但係你唔會搵唔到佢嘛~
佢點解唔聽你電話?
回覆刪除[版主回覆06/08/2011 14:36:00]我都好想知! 不過佢又唔係成日, 只不過耐唔耐就有一日搵唔到佢, 咁你話, 我點樣可以放心得落!
打去佢公司搵佢囉，睇下佢去咗邊都好呀
回覆刪除[版主回覆06/08/2011 17:15:00]如果我打去, 真係家變都似, 因為佢唔係fix一個位做嘢, 下下都要calling contol, 咁到時就真係係人都知我搵佢喇!
我覺得唔好打去佢公司, 因為照你咁講佢咁要面, 老婆打去公司可能比人笑到面黃 wor ~
回覆刪除[版主回覆06/08/2011 17:17:00]我去到今時今日都仲未打就係因為我知道如果打左去就真係家變喇! 因為我覺得佢真係會覺得好瘀, 個老婆挖佢佢挖到番公司, 因為我估我打去就會係一句calling control, 怕人人都知道晒就真係大獲喇!
有時仲成日揾唔到你老公呀,咁都難怪你擔心架!如果係我癲都似呀,其實我都怕老公出去揾其他嘅女人架!男人嘅嘢好容易受到引誘,個心一把持不定,個家就散架啦!所以我一直都check得佢好緊,佢指定放工的時間未返到來,我又會係咁揾佢架啦!不過我咁係唔會比佢知道我check佢,而係話怕佢會有咩意外,同埋話掛住佢.....,所以打比佢,佢好buy我咁講喎!
回覆刪除我都認同你講嘅一句話.有時候要維繫一段感情,我們作為老婆的真係好大壓力,我哋咁緊張都係想保持一個完整的家,所以做女人都真係幾辛苦架!
[版主回覆06/09/2011 11:13:00]其實我老公個人都幾煩, 因為佢已經接受左我嗰種獨立有主見, 所以佢唔想有人成日煩住佢, 但係我有時又覺得佢想我溫柔d(我想問, 係邊到搵d女人又獨立有, 而且又唔會爻咀架???!!!), 自問就真係好難做! 因為我係一個有主見嘅人, 但係佢又會句句都challenge 你, 到你問番佢, 佢又唔可以作決定, 往往都一定要我做 final, 而係公司, 係我點馮小姐做嘢, 有咩都同老闆面對面傾, 唔會係嗰d逆來順受嗰d人, 咁請問我又點會可以變做小糕羊呢?!
我都有因為怕佢有意外搵佢, 不過佢次次都話我痴線, 因為跟本唔會有事, 但係女人就係咁架啦, 有時怕佢地唔知有d咩事多過佢去玩啦!
哦!!!原來佢要周圍走架?咁其實會唔會有一日，佢係要向一個收唔到電話嘅地方做嘢架?
回覆刪除[版主回覆06/09/2011 11:14:00]我知道應該佢唔會收唔到電話~