星期六同嫲嫲&梓祐飲茶, 坐左成個幾鐘, 隻豬仔都冇話扭計要走, 所以跟住嫲嫲就係到講梓祐個乞衣後母個仔, 嘈少一陣都唔得, 更何況話坐係到飲茶咁耐!
梓祐講佢個同父異母嘅細佬, 成日都走埋去攪佢、打佢, 有時仲好似撩交打咁, 好惡咁問佢咩事! 而每一次都係細佬走埋去打佢佢先還拖, 而次次還拖完個細佬就係到大叫話"你打我呀", 跟住個乞衣後母就出嚟鬧佢!
嫲嫲講, 就算細佬做得幾唔啱, 個乞衣後母&老豆都唔會同個仔糾正或者教番正確, 每一次只唔啱都一定係梓祐, 所以嫲嫲詰細佬整下整下, 自己唔老嚟, 就會好大力咁去打人, 搵個頭去撞人, 係間屋都大叫大喊, 慕求人人都要聽佢要求!
不過梓祐而家十三四歲呢個年紀, 無啦啦比人打, 佢想還拖係好正常啫, 但係我同梓祐分析過, 雖然無啦啦比人打, 條氣就更係唔順, 但係如果佢出手還拖, 到時佢細佬有d咩事, 佢呢一世就死更, 仲要死得好慘, 所以我同佢講, 如果下次細佬無啦啦再過嚟攪你, 你就"的"佢番去比你個死人亞E, 等你個乞衣亞E教佢好定唔教佢, 等佢自己嚟, 唔使你出手!
因為如果個乞E唔教訓佢自己個仔, 仲好, 因為你第時大個就可以現場睇到一幕又一幕 虐待老人嘅現場版, 真人show! 我叫梓祐, 你問下你自己有幾憎你個乞衣, 而呢個問題你唔使答我, 你自己答你自己就得喇, 如果你想你個乞衣亞E第時老左比個仔打, 咁你就唔好還拖尤得佢喇! 因為我話有時有D嘢, 唔係睇而家, 係睇將來! 雖然而家條氣唔順, 不過忍忍佢, 第時大個就有好戲睇! 我話就算嫲嫲到時死左, 我諗佢係個天上面都會係係到笑緊!
我知道我咁樣教梓祐係好賤, 不過佢咁樣對梓祐, 我真係好想佢自己個仔收佢囉!
比我呢，就會教梓祐係佢會打佢個位置裝一塊鋼板囉...
回覆刪除[版主回覆06/28/2011 12:45:00]最好都係唔好理佢囉! 尤得佢老母自己教, 係好係壞, 呢d就真係唔理得咁多, 最好就係等佢第日自作孽, 不可活!
我覺得報仇緊要啲
回覆刪除[版主回覆06/28/2011 14:13:00]如果佢老豆一開初就擺明企係佢嗰邊就點報都冇所謂, 但係唔係, 佢係處於弱勢, 所以如果佢一報仇, 蝕嘅係佢咋! 更何況你叫梓祐何來去整塊鋼板係身呀!
你點會賤呢? 你叫梓祐唔好打交至 wor! 叫佢打交先唔 o岩! 家陣等個賤貨比天收至 wor! 完全正確, no argue!!!
回覆刪除[版主回覆06/28/2011 14:18:00]嫲嫲同我講, 有次佢細佬攪到梓祐發爛渣, 兜巴星左落佢細佬嗰到呀! 一聽到我都不知幾鬼驚呀! 你知啦, 細路仔唔識死架嘛, 如果梓祐唔覺意星埋落隻耳仔到, 到時佢細佬聾左, 佢就真係死更, 仲要係死得好慘喇!
明知個老豆聽晒佢個仆街乞E講, 咩環境自己知, 所以我同佢講左利害關係之後, 最多陰毒D叫佢睇將來第日個女人比自己個仔攪到幾仆街囉! 唔係咁, 我都唔知可以點做!
講係咁講啦，放木板乜板物板都得啦，最重要係保護自己，整傷人地為大前題，再唔係，叫佢錄起晒成段，錄埋佢老豆乞兒阿姨，之後去報警告佢虐打
回覆刪除細佬有幾多歲呀 ?
回覆刪除[版主回覆06/28/2011 16:08:00]3歲咋, 已經成個惡爺咁喇!
3 歲炸 ~ 咁佢打極梓祐都唔會好痛既。叫梓祐忍下啦 ~ 13歲 對 3 歲, 火滾唔覺意都可以打死個細 ga ~
回覆刪除3 歲咁臭脾氣, 梓祐唔打佢, 都大把街外人 (同學, 老師) 去教訓佢啦 ~
[版主回覆06/28/2011 17:05:00]聽嫲嫲講, 佢細佬好牛力, 有次仲差D搵個頭頂撞梓祐, 跌左係地下呀!
不過個老豆老母都唔教啦, 老師都唔係好幫到!
佢老豆老母唔教就最好喇...遲下拳打腳踢有排佢哋受呀...等睇戲喇!!!
回覆刪除[版主回覆07/06/2011 16:11:00]我都係咁同梓祐講, 叫佢等多十年廿載, 大家一斉等睇戲呀!!!