今日, 我又見到! 我又見到個工人餵滕滕食飯!
我都已經唔係講過一次, 我要滕滕自己食飯!!!!!!!!! 因為我同滕滕食飯嗰時都係咁, 佢都係可以自己食, 所以我唔明, 個工人點解唔比滕滕自己食!
原因, 我估到: 工人餵就唔使等佢咁耐, 因為滕滕自己食就一定係耐好多! 而且滕滕自己食, 有可能食到成地都係, 佢要抺地要做多D嘢!
今晚我番到嚟屋企, 又見到個工人係到餵滕滕喇, 咁啱食正條水, 可以即刻話佢!
我同個工人講, 由聽日開始, 我唔要再見到係佢餵, 我係要佢自己食! 係要佢自己揸住隻spoon 嚟食! 如果再係咁, 我會打去agent 到投訢佢架!
我又同個工人, 佢學食飯係成長嘅一部份嚟, 仲咩事你唔比佢學先?! 係唔係佢6/7歲你都仲想餵佢先?! 仲咩事佢學"不"飯你唔比佢學先?!
我不斷係咁"俄"佢, 佢終於都講出口, 佢話因為佢食得耐喎!
我之後又再同佢講多次, 如果佢再唔比佢自己"不"嚟食, 我一定打去agent 到投訢佢!
食得耐咪耐 law. 咁趕做乜先?!
回覆刪除[版主回覆06/23/2011 11:17:00]因為佢地個心態跟本就係: 總之我餵飽左主人就ok喇!
所以佢地食得慢就阻住佢地嘛!
不如列明家規之後雙方簽同意書，每犯一條扣人工100囉
回覆刪除[版主回覆06/23/2011 11:18:00]做到咁就冇引啦!
咁點呀，又用尿片又喂飯，點學啫
回覆刪除[版主回覆06/23/2011 12:18:00]尋日, 我已經見到佢比滕滕自己食喇, 所以都ok啦!
瀨尿........如果真係唔得, 就等佢番學比人笑啦! 可能到時比人笑多幾次, 就會自動自學喇!
你工人同我嘅心態一樣....熙熙自己食超過20分鐘我就會出手...
回覆刪除[版主回覆07/06/2011 16:20:00]其實當個工人同佢一斉同步食都可以啦, 唔使分開一個一個食!
如果一斉食, 細嘅睇到大嘅食, 都會食得好d同快d! 因為我放假同滕滕一斉食, 佢見我食佢又會食, 佢見我就嚟食完佢又會食快d架!