星期五同表姐講開自理, 我就話自理, 我教滕滕都得啦, 不過表姐一聽到就叫我食屎!
呢兩日對住滕滕, 我就係到自我檢討, 睇下自己有冇需要改善地方!
到目前為止, 其實當我喝住滕滕叫佢stop, 佢都會停一停, 咁當然更有challenge 我嘅時候啦, 但係係平時, 如果我叫佢唔好擒上個柜到, 佢都有停到, 唔上去!
到食飯時, 如果我係屋企, 我一定要佢坐係張high chair 到同我一斉食, 起初佢都有唔想, 但係當我堅持要佢坐係上面, 佢都聽我講坐係到同我一斉食飯!
有時係屋企, 佢會叫我開電視比佢睇dvd, 但係我唔想成日比佢習慣睇電視, 我話唔開, 佢都係扭一陣跟住就算, 因為我想比佢知, 唔係佢要就要比, 就算扭計都唔係一定有!
當去街嗰時, 有時佢會好high咁唔比我拖住, 但係到人多或者過馬路嗰時, 佢都知道&明白要我拖實佢!
唯獨係佢戒片一事, 真係好難control, 因為我唔係成日係屋企!
而生活規律, 而家做所有嘢, 都好定時定候, 如果要比佢知做嘢一定要係咁嘅時間去做咁嘅嘢, 我相信唔係可以一時三刻, 而且佢而家仲咁細個, 就算同佢講佢都未必明! 因為如果番學係學自理, 我都覺得唔係短日子可以即時生效!
所以我想問下你地, 我有咩需要再注意, 因為我話我會教滕滕自理, 但係表姐就覺得我唔得, 所以佢先叫我食屎!
http://www.heephong.org/webprod/cht/child-development-and-training/self-care 睇下呢個幫唔幫到你
回覆刪除[版主回覆06/21/2011 10:35:00]thx!!!!!!!!!!!!!!!!!!
我都睇過喇, 上面講及有d嘢, 滕滕而家有一兩樣都識做, 例如d玩具玩完要自己執番, 自己整污糟左地下就自己抺, 同埋佢而家都識自己著褲, 著衫難d我仲未教佢!
同埋如果同我一斉食飯, 大家一斉食, 佢就自己"不", 而我都會成日同佢講我就嚟食完, 叫佢快d食!
所以我諗而家都尚算ok!
呢啲咪叻仔囉
回覆刪除[版主回覆06/21/2011 12:43:00]應該唔係叻仔囉, 如果唔係, 我表姐唔會叫我食屎!
我個仔無一樣識做 ~
回覆刪除我買左個細袋仔帶 d 濕紙巾, 外套, 等阿仔出街時可以用。我同佢講係佢自己 d 野, 要佢自己拎。佢拎過 1, 2 次之後, 一比佢, 佢就話 "媽咪拎" ~ 好有potential 做港童 law
唯一可取既, 係佢唔會死摞, 佢要一樣野, 唔比佢, 佢最多摞 1,2 分鐘就唔摞 ga la。
不過, 好現實, 如果係我, 我都係同你一樣未必選一間專攻自理既幼稚園。
[版主回覆06/21/2011 12:54:00]你個仔細滕滕成半年, 唔識都好正常啫, 因為佢地係一路大一路學, 滕滕都唔係教左就好快識, 都係要慢慢架!
而家現今呢個社會, 唔係我想迫滕滕學嘢, 而係唔讀多d, 第日大個係佢辛苦咋! 我唔會好似我表姐咁諗, 如果佢兩個女第日讀唔讀到書都唔緊要, 最緊要係搵到個好男人喎!
咁當然搵到個好男人就更係最好啦, 但係我覺得都要讀多d書囉, 就算有咩事都可以唔使靠人嘛~
咁應該係你唔叻，滕滕叻，哈哈哈
回覆刪除[版主回覆06/21/2011 14:14:00]如果係佢叻, 咁即係都係我食屎啦!
根本你表姐係叫你食C之嘛
回覆刪除[版主回覆06/22/2011 10:22:00]係呀, 佢好鐘意有人係到嗰時叫我食屎架(因為嗰日係三人會議講緊電話)!
咁你下次叫返佢食屎飲尿啦
回覆刪除[版主回覆06/22/2011 10:41:00]我唔會係有第三個人係到咁講嘢囉!
你要投其所好嘛
回覆刪除[版主回覆06/22/2011 11:17:00]我最憎就係做呢d嘢啦~