我諗已經有兩個幾三個月喇!
由一開始廿三四度, 我已經同個工人講要同滕滕介片! 直到而家都仲未得!
個工人, 講又唔聽我講, 初初叫佢定時定候就要叫滕滕痾 V V, 佢唔聽, 因為佢唔係成日記住, 所以滕滕成日都瀨尿, 好啦, 見佢成日瀨尿, 又多左一大堆褲仔要洗, 所以就同佢著番片片喇! 大佬, 咁攪法, 又著番片, 咁點戒呀! 跟住同佢講滕滕就嚟要番學喇, 我唔會再買片片, 要佢一定要依時依候叫滕滕痾 V V, 好啦, 係就係依時依候, 不過到佢去煮飯, 又同佢著番條片片! 頂~ 咁即係想點先! 大佬, 你一時一樣, 如果係滕滕, 我都唔理你啦!
而家, 我叫個工人唔好理佢, 如果瀨尿就尤得佢瀨喇, 希望瀨得一兩日就會醒覺, 自己叫出聱啦~!
唉~ D工人真係麻叉煩!!! 叫你咁做就咁做啦, 我請你番嚟係聽我做嘢架, 唔係你想點就點, 我唔想鬧你, 但係好聲好氣同你講, 你認左我兩日又轉番你鐘意嘅模式, 大佬, 係唔係下下要我惡住咁話你呀?! 再係咁落去, 幾時先同滕滕戒到片呀! 頂!
自把自為................
回覆刪除[版主回覆06/11/2011 11:07:00]係囉~話得多都冇引啦!
所以我好怕請工人,唔想激死自己呀!收得人哋錢,主人叫你做乜就做乜囉!我哋出去打工,唔聽老闆話,第一個要炒嘅人就係你啦!
回覆刪除[版主回覆06/11/2011 11:08:00]所以而家d工人巴又閉！
寫張紙得唔得呀?!遇著呢啲工人真係激氣
回覆刪除[版主回覆06/11/2011 11:09:00]寫乜鬼吖，英文又唔叻！
你講，佢寫，叫佢寫到自己記得為止
回覆刪除比姐姐咁搞法；真係好難戒到片喎 ！
回覆刪除[版主回覆06/13/2011 11:29:00]幾個月喇~!!!
我咪係你工人囉...如果我要去煮飯...我都會同熙熙著返條片片架...因為我無可能10-20分鐘內煮好一餐...
回覆刪除[版主回覆06/13/2011 11:29:00]因為隻豬仔而家都唔理咁多, 又唔話痾尿, 我已經叫左個工人唔好理佢由得佢瀨, 我想睇下置諸於死地而後生, 睇下佢瀨多7, 8, 10次睇下戒唔戒到, 但係佢又唔理我, 鐘意就同佢著下片, 唔鐘意又唔著, 咁不如你幫下我, 睇下我可以點做?!
我個姐姐仲誇張, 試左 兩個朝早就停左啦 ~ 係時候又要再試下介至得啦!!
回覆刪除[版主回覆06/13/2011 14:09:00]其實我都唔係好明, 叫佢地咁做就咁做啦, 自把自為去停! 咁樣真係有排戒唔到喇~!!!