尋日係父親節, 要預早成一個星期叫老公唔好開 OT, 原本佢尋日要加兩班, 但係我唔想今日等佢瞓醒先有得去玩, 所以好彩老公可以唔番通宵!
咁熱, 其實去游水就最正, 所以我地去左石澳! 好熱, 真係好熱, D沙係好燙腳架!
一嚟到, 唔好講有冇車位, 或者要等幾耐, 都未到個公眾停車場就已經入都唔比入, 比D警察blk住, 咁你話有幾多人呢~
我都話, 滕滕最肯坐定定就係係玩沙嗰時, 可以玩起碼成半個鐘先起身一次!
以前未生滕滕, 老公都會走埋嚟欖下我錫下, 而家, 只係會不停係咁咀滕滕!
我當然有咋型啦, 不過佢問我: 你兩歲咁細個咩?!
呢個豬仔都好玩嘢, 明知我地叫佢影相, 叫佢十次著左九次都唔理你, 幾難先影到一兩張相!
去完沙灘, 就搵老豆食飯, 我發現, 滕滕鐘意老豆多過亞媽!
因為可能老豆差唔多日日都打電話嚟搵滕滕, 而且見到面又成日同佢玩, 所以滕滕口邊成日都話: 公公呢?! 公公喎! 公公係屋企!
你有 d 料到 wor! 無理由爸爸見到唔流口水 wor!
回覆刪除[版主回覆06/22/2011 10:06:00]已成習慣啦, 邊有新鮮感吖! 如果比我日日見到劉華, 睇得十幾年, 可能佢都唔覺得佢有幾靚仔啦~
我地19/6 都入左赤柱游, 走嗰時都見到有個牌話公眾car park full左了.
回覆刪除我地7:00就出門口, 入元朗接左個friend就落番tsuen wan食早餐, 跟住入赤柱, 個灘好細, 但d水好清, 不過d沙就唔幼. 似石仔呢..............
[版主回覆06/22/2011 10:08:00]我地入都入唔到去公眾停車場啦, 跟住拍左係私人嗰d囉, 成三十蚊個鐘, 仲貴過老尖呀, 直頭搶錢!!!
再講多一次，fit fit ，哈哈哈
回覆刪除[版主回覆06/22/2011 10:15:00]我都再講多一次啦, 你睇真d我個肚腩, 再睇埋我隻手臂, 跟本就唔可以用個fit字嚟形容我!
我夠膽咁著, 係因為而家仲著一件頭, 會好7, 同埋, 唔襯住而家再著多幾次, 我怕我4十幾歲就唔著得喇!
再者, 我都仲好冀望我個肚可以細番d, 手臂就幼番d, 不過呢個可能性極低!!!
下次影相縮肚，撐起個手臂
回覆刪除[版主回覆06/22/2011 10:50:00]ok! 等我次買左套新泳衣先啦!
我同意村姑c9仔講喎
回覆刪除[版主回覆06/23/2011 15:01:00]我老公話我肥呀!