今日都算係有番D氣息, 因為一早起身過左一陣, 就開左個水池比滕滕玩水, 玩左一個鐘到, 老公就起身同我地食完嘢就番工, 而我同滕滕就去左市中心搵補鞋佬整我D鞋!
番到屋企都3點幾喇, 同滕滕沖完涼就同佢瞓覺, 瞓醒左我地就去公園喇, 玩左一個鐘就番屋企又沖多次涼!
計埋今朝開水池比滕滕, 今日就濕左3次身, 而我呢, 個身咪痴粒粒囉! 去完公園玩完番嚟, 開左盤水比滕滕玩, 自己又成機坐係旁邊休息下之際, 我唉左一聲話好攰, 滕滕就即時問番我: "好攰喔~" 咁我就答佢係好攰呀! 再過多一陣我又唉一聲, 再講真係好攰! 滕滕又再同我講: "好攰喔~" 10秘唔使之後, 滕滕就拍一拍我爻頭, 點兩下佢個豬頭又再講: "好攰呀!"
大佬豬仔, 你就更係爽啦, 我成日冇停過喇!
哈哈，你精力無可能同佢揮啦
回覆刪除[版主回覆06/08/2011 17:12:00]佢成day都疏乾, 而我呢, 成day 都做呀!
呢日我都有同囝囝去咗公園玩,佢都一樣玩得好開心呀,真係比小朋友玩到謝晒呀!
回覆刪除[版主回覆06/09/2011 11:28:00]呢d生理上嘅嘢真係好難明, 佢地叉左半個鐘頭電, 就可以又再玩半日, 但係我地大人呢, 最好瞓多兩三個鐘啦!
哈哈, 佢都幾醒目...叻仔!
回覆刪除