以下內容, 有不雅成份!
幾個女人舊同事走埋一斉, 真係有講不完嘅嘢! 而且, 以前嘅feel 番晒嚟, 又講戲集, 又講護膚, 天南地北講事非, 乜都講得一餐!
上個星期五食飯, 就講左一樣嘢係我好想知, 就係寺瘡!
自從入左呢間公司之後冇耐, 我就發現去完大便之後, 清潔嗰時有血!
起初都不知幾鬼驚, 都唔知咩事, 以為什麼內臟有咩問題, 後嚟問一問d朋友, 先知道應該係寺瘡!
一同呢幾個舊同事講起, 原來佢地個個都有! 仲要係大家離左職, 開始坐係寫字樓先開始! 而咁啱有一個, 仲要係4月嗰時做左手術! 佢話做完之後好似冇做過咁, 而且大便仲快過以前喎! 但係唯一佢話唔好嘅, 就係做之前要飲一杯嘢, 跟住就不停咁痾, 模求做手術前要痾清!
我同老公講我大便完有血, 老公就叫我去睇醫生做手術! 做手術, 唔好喇卦, 又要留一晚係醫院, 又要打針, 可唔可以唔好呀! 打針都唔係main point, 留院我先唔想呀!
但係, 唔割好似會有機會流血不止架, 死啦, 唔知點好呀!
我老公都試過, 真係流血流到面都青, 都係手術好 d ~
回覆刪除[版主回覆06/27/2011 15:16:00]但係一諗到個seafood 要對住個dr, 就好似有d尷尬囉, 雖然係全身麻醉左! 而且再加上因為要claim保險就要過夜, 我又唔係好想..........
唔講果句都講埋, 我老公試過流血流到面都青要入急診室 WOR!!! 真係做手術啦 ~
回覆刪除[版主回覆06/27/2011 16:13:00]好!好!好! 等我安排下d時間先! thx!!!
快啲割咗去死咗條心，唔洗心掛掛啦
回覆刪除[版主回覆06/28/2011 12:40:00]好驚呀, 大佬!
我未割過我唔知，但我身邊有好多人都有做呢過所謂嘅手術
回覆刪除[版主回覆06/28/2011 14:06:00]驚係因為我覺得將個c忽對住個dr好尷尬囉!
生仔夠擘大對肶比人睇晒啦
回覆刪除[版主回覆06/28/2011 14:34:00]點同呀!!! 你話如果我請假, 同老闆講我生仔尷尬D定講我割寺瘡尷尬D呢~ 同老闆講我要去割寺瘡, 真係好難開口囉!
其實，我真係唔覺得有何尷尬，唉~~~算啦，各人觀點唔同，可能你老闆都有呢個煩惱呢)))
回覆刪除[版主回覆06/28/2011 15:52:00]佢更係多數都冇啦, 佢每日都係番下午! 因為只有成日要坐先多數有咋(聽聞)!
陀bb啲女人都好容易有
回覆刪除[版主回覆06/28/2011 16:10:00]都係啦, 不過原來好多男人都有!
我公司有3個男人都有，所以我都話好普遍咯
回覆刪除[版主回覆06/28/2011 16:42:00]係呀! 我老公又有, 我舊同事老公都有, 其實好似大部份人都有!
係囉，所以唔洗尷尬架~~~BK咗手術未呀?
回覆刪除[版主回覆06/29/2011 10:38:00]未喎, 因為我搵到另外一條出路~
搽藥膏呀.?
回覆刪除[版主回覆06/29/2011 12:32:00]YES~
無用架=.=
回覆刪除[版主回覆06/29/2011 16:48:00]朋友老公搽左, 已經縮番入去, 佢自己又搽左一個星期, 已經冇出血喇!
搽藥膏治唔到根架，不過可能個個唔同，你都試下先囉
回覆刪除[版主回覆06/30/2011 09:57:00]寺瘡係冇得根治架, 原來就算割左都會生番, 唔係割左就以後都唔會再生! 所以如果搽藥膏之後再冇出血, 咁就已經好左好多架喇!
係呀，無嘢可以治到，不過我公司啲男人，做咗手術之後都無再出血，幾年喇
回覆刪除[版主回覆06/30/2011 10:43:00]我知道女人會容易d, 由其係陀過bb, 大部份都會有! 所以學家姐話齋, 如果想/諗住會生多個, 咁不如生晒之後先做喇, 費事割左之後, 又有bb, 跟住又生過!