有個星期四, 老豆同亞媽話聽日入嚟, 跟住到左再夜d, 奶奶就話又入嚟!
好啦, 入入入, 咁鐘意咪由你地入囉! 更何況你地一斉入嚟, 我唔使分開兩次服侍你地, 仲好!
因為老豆話早d入嚟同滕滕出去飲茶, 所以奶奶打電話嚟入嚟嗰時我就叫佢晏d到, 一係就記得帶鎖匙嚟, 費事到時冇門口入啦!
到今日, 又係咁! 老豆尋晚打嚟, 又話今日帶滕滕去飲茶, 而奶奶上次聽到我話老豆帶滕滕去飲茶, 佢今朝又一早就打比我問滕滕飲茶可以食d乜, 因為佢又話帶滕滕去飲茶!
我想問, 係唔係同個孫出過街會開心100日架???? 奶奶聽見我老豆帶佢去飲茶, 佢又要同佢去, 其實出過街係唔係開心d架?! 係唔係出去, 會覺得蝕左???
應該係蝕咗先啱^^ 你99又幾好喎...會問下你滕滕食得乜~
回覆刪除[版主回覆06/15/2011 11:27:00]我奶奶係好安全嗰隻嚟, 因為佢怕滕滕唔食得之餘又怕我唔鐘意!
人要我要嘅心態嘛，滕滕就真係開心喇
回覆刪除[版主回覆06/15/2011 11:28:00]可能真係同過個孫出街開心d都唔定, 我真係唔知囉!
隻豬仔就更係開心啦, 我一見到是但一個耆英係到我就眼火爆啦, 因為滕滕見佢地係到, 會好死咋型架!!!
通常老人家遇著小朋友，一定係遷就晒小朋友，小朋友就咋嬌，我細個咪又係咁
回覆刪除[版主回覆06/15/2011 14:06:00]我未去到老人家個位, 所以我唔知, 而我只係知, 佢地咁縱佢, 就一定係害左佢! 仲要係害埋我!!!
噢!!!我細個時，都聽過爹地媽咪同婆婆公公講過呀
回覆刪除[版主回覆06/15/2011 15:40:00]係呢!!!