我一向都好唔LIKE比人話我冇家教, 而滕滕我都唔想佢咁樣比人話, 續語有云"禮多人不怪", 所以每對任何人都應該要有禮貌嘅!
我好著重身教, 因為我好想信有報應, 我點對人, 第日滕滕就會點對我! 我自細就見到亞媽成日都同亞婆傾計, 而到而家我好多時都會自不然咁大小事都好自動咁同亞媽講!
星期日同滕滕去攞眼鏡, 等左成15分鐘未有人安排, 滕滕就開始唔耐煩, 接住就當然開始問我點解咁耐都未有得攞, 而我就點左滕滕去問個receiption究竟幾時有眼鏡攞! 滕滕真係開始大個喇, 我隨意咁叫佢去問, 佢就唔多驚咁行埋去就講: "唔好意思呀! 我想問下我幾時有得攞眼鏡呀, 因為我等左好耐喇!"
又一個surprise囉! 我冇諗過滕滕第一句就講"唔好意思", 因為我點去佢問時, 我只係隨意咁話如果你想知就自己去問! 而佢識講"唔好意思"呢句先, 相信係我平時係街到唔想自己盲中中搵路時講第一句嘅說話, 而呢句說話, 我估唔到滕滕入晒腦!
真叻仔!!
回覆刪除[村姑 C 9 仔 *.*回覆09/24/2013 17:57:23]YES!!!
[版主回覆09/24/2013 16:24:33]呢個世界好殘忍架, 如果想人幫而又冇禮貌, 睇下有冇人睬你吖! 呢個世界好現實, 永遠都係要有禮貌就會著數D架!
時下啲小朋友好似老馮咁，"唔好意思"呢類說話唔洗指意聽到，連唔該，多謝都唔會聽到
回覆刪除你個仔識講唔好意思，咁有禮貌，全靠你呢位阿媽教得好，難得!
[版主回覆09/25/2013 14:03:29]所以呢D就自己攞嚟賤囉!
[林林回覆09/25/2013 09:41:05]我排緊隊比錢，有個死仔包同我講 : "我買一樣野，你比我比錢先。"成句入面，我聽唔到姐姐/姨姨，請問，唔該，唔好意思，可唔可以...諸如此類呢啲係人講嘅說話...
咁佢望住我講野，我無理由唔回佢架，我就同返佢講 : 如果你禮貌啲同我講，我都可以讓你先，你自己諗下咩態度同一個要幫你嘅人講野,無家教。
[版主回覆09/24/2013 16:21:08]問人嘢都唔洗講唔好意思OR 唔該, 真係搵鬼人去幫你咩! 如果我係街到有人冇禮貌咁走嚟問我嘢, 睇下我睬佢唔睬佢吖!