月頭心情唔好, 一次過買一個袋一個銀包, 買完覺得未得, 就再走去淘左一個皮袋兩個皮銀包, total 用左兩萬三!
一次過用咁多次, 除左生仔找數嗰一次之外, 呢次係最甘! 以為心情會好番d, 其實都未, 因為我想去剪晒d頭髮! 我好撚想剪九晒佢! 但係結果冇去, 因為如果剪晒佢, 咁我以後要個幾個去修一次, 咁樣仲撚煩, 所以唔剪喇!
亞媽話牙痛, 牙醫叫佢去種牙, 今日我就陪亞媽上去見醫生再了解下種牙呢樣嘢!
種一隻牙要萬三, 亞媽要整3隻, 即係三萬九! 亞媽成日話生我地出嚟係搵佢攞債, 所以今次佢要整牙, 我就話嚟攞債嗰個係你囉, 你而家要整牙, 咁即係我要還債! 以前你比錢我cool牙, 而家輪到我還番比你!
我成日都同亞媽講其實佢好幸福, 因為佢有3個仔女, 佢而家有咩事, 我地3個冇人唔會唔理佢! 唔會好似我奶奶同我講: "老人院叫我留仔女電話, 我都唔知留邊個好! 最大嗰個(家姐)份人靠唔住, 講完冇左件事! 第二嗰個(家姐), 由年頭話忙, 到而家都未見過個影! 就連電話都冇一個打番嚟! 最細嗰個(即係我老公), 又係成日唔見人, 成日都番左工, 想搵佢整屋企d嘢, 講左又唔記得完全冇左回事! 所以我都唔知應該番邊個個電話比老人院好!"
做亞媽, 最開心就係莫過於老左d仔女仍然會理佢囉~
做亞媽, 最開心就係莫過於老左d仔女仍然會理佢囉~ => AGREE!!!!
回覆刪除話事話, 我自己買野比自己無試過單獨1件過 3K ~
你能唔貶眼洗左兩萬三, 另一面睇, i am happy for you cos 你豪得起!!
另一方面, 我真係好希望你的問題 / 煩惱好快能解決。因為以你咁堅強既人, 居然有樣野令你咁唔開心, 應該真係堅金! TAKE CARE!
[版主回覆09/18/2013 11:03:10]都幾架~ 個個都知道我對佢地好豪!
[村姑 C 9 仔 *.*回覆09/18/2013 10:28:57]你的家人真幸福!!
[版主回覆09/17/2013 14:13:47]以為買完嘢荷包痛喇, 我就會收手, 不過仍然覺得未夠, 縱使仲要比錢亞媽整牙, 但係一日未比錢我一日仲想洗錢! 其實我一D都豪唔起, 因我平時就連早餐都唔捨得食覺得貴! 我捨得洗錢係屋企人身上, 但係永遠自己唔捨得買嘢, 今次就一獲過囉!
而家無唔開心啦，唔好再亂咁洗錢喇
回覆刪除[林林回覆09/25/2013 14:49:07]
[版主回覆09/25/2013 14:11:36]NO囉! 佢而家請我食飯都我未必會去! 因為唔係佢請我就要去食!
[林林回覆09/25/2013 09:23:28]咁唯有比張statment佢啦
[版主回覆09/24/2013 16:29:10]NO啦........... 我仍然仲係唔想同佢講嘢, 我就連一眼都冇望過佢~