上個星期三開始直到今晚, 一連5日學校都會有小學嚟做present介紹自己間小學! 其實佢係話for K3家長, 但係我都有照去聽, 因為我由細到大唔係係屯門住, 我唔熟呢個區嘅小學, 所以我搵左幾間嚟聽, compare下有咩分別! 上星期三聽左一間, 呢間係我心宜嘅其中一間!
間學校聽落好似幾好, D配套又夠, 而且我最鐘意就係上英文堂係全英文, 上中文堂係全普通話! 但係一去到講測驗考試呢到, 聽完之後我即刻打退堂鼓! 因為個校長話, 一年有兩個學期, 兩個學校加埋有4次測驗4次考試!!!! 一聽到"4次測驗4次考試" 加埋即係8次, 個心就即刻此諗"唔撚係吓嘛, 痴線架!" 結果聽完, 當堂唔想揀!
同學個朋友係呢間痴線嘅學校到教書, 同學嘅朋友話呢幾年佢間學校仲難入, 因為質數比以前更好(以前已經好好)! 吓~ 質數好唔好我就唔知囉, 只係知道你間學校痴撚線囉, 咁多測驗考試, 想人讀死咩! 我姑姐都係教書, 佢話有D學校真係一年4次測驗4次考試, 而且D家長仲好鐘意潻喎! 講番10年前姨甥仔由P1-P5都係我去handle佢d學業, 嗰時一星期有一次中文一次英文默書, 一年有3次測驗+3次考試, 呢個過程嗰時我都已經覺得接得好密, 因為個個星期默兩次書, 跟住就好快咁又話有測驗喇, 再過一次就考試, 考完試之後又再開始一星期嘅兩次默書, 跟住再過冇耐好快又話測驗! 嘩~ 真係人都癲囉!!! 好彩嗰時姨甥仔聰明接得住, 而我對佢用嘅方式係啱咋, 如果唔係佢死時我都好辛苦架!!!
今晚聽埋最後一場喇, 小小資料都有嘅, 出年開學時再聽多次, 希望唔洗咁頭暈啦~
我聽日本來都要聽兩間~ 不過撞時間, 我老公聽1間, 我聽1間~ 好恨煩~
回覆刪除[村姑 C 9 仔 *.*回覆09/24/2013 17:56:14]我同我老公暫時已得到共識, 不搏最 "梗" 個間, 搵間2線既。為了10拿9穩, 仲會去洗禮攞埋果5分!
我都好SURPRISE, 我老公無話我痴線!!
[版主回覆09/24/2013 16:27:47]出年仲頭暈呀, 因為到肉喇~
一年考,測加埋8次，唔係個小朋友頭暈，真係阿爸阿媽頭暈@@
回覆刪除[版主回覆09/26/2013 16:13:22]我已經有晒心理準備架喇, 因為嗰時我姨甥差不多係我一手一腳攪掂佢嘅小學生涯, 所以我知道一路升上去, D功課會越嚟越多!
[林林回覆09/26/2013 10:01:30]我相信小學三年班之後你會改變睇法
[版主回覆09/25/2013 14:08:53]如果冇乜功課嘅我又唔會考慮喎, 因為有壓力先有進步, 適當嘅功課係 嘅!
[林林回覆09/25/2013 09:28:29]怨乜鬼呀，快快趣搵間無乜功課，考試測驗又唔多嘅學校比滕滕啦，到時仲有默書，背書，你真係請定補習老師比滕滕喇
[版主回覆09/24/2013 16:27:16]直頭想死咁濟啦, 大佬, 迫佢地時自己又辛苦, 到時冤到冇用呀, 因為係自己揀架!