專科醫生~

尋晚卦左8号風球, 直到今朝10點先落波! 今朝冇番, 但係今日下午都請假, 因為今日約左去同滕滕見專科醫生!

專科, 真係比較仔細好多, 就連滕滕副眼鏡啱唔啱度數都check 埋!

原來我一直以嚟, 以為滕滕戴左眼鏡之後佢應該係睇到嘢 - 呢樣嘢係錯架! 原來佢戴左眼鏡都仍然係未必睇到嘢! 醫生仲好串咁答我, 如果戴左眼鏡就已經可以睇到嘢咁簡單, 就唔需要轉介去專科啦! 好! 真係串得好!!!

上次個視光師要滕滕每日貼眼3個鐘, 但係今次醫生要佢貼夠4個鐘! 而且仲同我講應該要貼到8歲!

8歲??? 係!!! 醫生話因為到8歲個眼球先停止發育!

Oh, my god!!! my poor 豬仔!!!

上次係視光師到買左盒眼貼比滕滕, 貼左3個鐘搣番出嚟真係幾係嘢!  因為皮膚有熱力, 張膠布會越貼越實!

所以我剛淘左個眼貼套番嚟!

woo~ 當堂舒服晒囉!