8月23去左母嬰健康院做視力檢查, 檢查發現滕滕左眼有遠視, 而右眼就正常, 醫生話咁樣嘅情況, 照理應該係先天而不是後天, 因為如果係後天因數的話, 理應兩隻眼會有同樣問題!
醫生話滕滕兩隻眼有咁大嘅分別, 要轉介去專科去進一步評估, 而我都同滕滕BOOK左期係呢個月23号見專科醫生!
其實我都幾擔心, 因為醫生話佢左眼遠視都幾深, 所以佢而家平時其實係用右眼睇嘢, 而因為個腦潛意式輸入左右眼嘅清晰影像, 因此左眼而家係放埋左一邊係冇用到, 如果長此以往落去繼續唔理佢, 咁佢隻左眼就會廢左武功唔到, 即係會盲!
經小B媽介紹之下, book左間私營嘅驗眼中心今日去驗, 個結果係左眼有5百幾度遠視, 而呢個程度係好嚴重!!!
唔洗問我就已經預左一定要同滕滕配眼鏡, 因為我希望佢可以用埋左眼去睇嘢, 而個視光師都比左d exercise 我要幫滕滕去train隻左眼! 因為佢話佢而家呢個年齡發現, 仲可以有時間去追番, 就望佢好晒都望佢可以追番上嚟都好!
話下個星期可以攞到眼鏡喇, 希望滕滕唔好扭計啦, 因為攞左眼鏡之後就可以開始同佢train 左眼喇~
又要辛苦你啦~ 依家開始秋涼, 戴眼鏡應該無咁熱, 無咁扭計既。
回覆刪除[版主回覆09/14/2013 11:17:30]而家唔可以做EXERCISE, 要帶左眼鏡先可以做, 因為而家太深係睇唔到所以做唔到架!
[村姑 C 9 仔 *.*回覆09/13/2013 16:02:57]但佢遠視5百幾度貼眼貼, 會唔會真係唔係好睇到野呀? 你在家裡試下先。因為怕佢太朦查查睇野有危險。
[版主回覆09/12/2013 14:39:37]我比晒心理準備佢, 佢都知道要戴眼鏡隻左眼就會慢慢好番! 就咁睇佢佢冇咩抗拒, 唯一擔心就係個視光師話最好佢番學嗰3個鐘貼眼貼去上堂, 有FOCUS 去集中會進步快D, 因為我怕佢會覺得自己咁樣去上堂唔正常而唔開心! 我都已經打左電話比老師, 老師都好好話會幫我係上堂時同D同學仔解釋, 應該唔會有人笑佢嘅~........希望真係咁啦!