我的大頭 bb

今日去做例檢, 嘩, bb 大左好多呀, 已經唔係之前咁, 可以係個畫面到睇到成個 bb喇, dr 話而家只係可以度個身幾長, 手腳幾長加埋去估計亞 b 幾長, 因為佢身體會轉嚟轉去, 好難度!

當亞 dee 見到bb 個頭時, 就話: 個頭好大呀, 之後我就話可能呢個階段係個頭大 d 呢, 之後我就再問 dr, 個 b 算唔算巨型呀, 因為個個朋友見到我個肚都話我個肚大, dr 就話喇, 唔算, 所有嘢都 ok呀, 幾好呀, 合乎標準呀, 不過個頭就係大左 d , 個頭就17週幾, 個身就16週幾......跟住 dr 就係到笑喇! 

嘩, 個頭大咪好難生囉, 跟住 dr 就話, 咁又唔係, 唔可以話個頭大就難生嘅!

我想順產呀, 唔想開刀呀, bb 記得幫下媽咪乖乖地喇!

睇到bb, 真係覺得好微妙, 因為渴望左咁耐, 終於比我地得賞所願喇!