真係唔係好明

啱啱去完我姨甥到番嚟, 就有 d 真係諗唔通同心情唔係好好!

係唔係做後母一定要做到咁黑人憎呢, 雖然我姨甥唔係佢親生, 但係都唔使對個小朋友咁衰!

我已經幫個女人諗盡解釋, 點解佢要咁對個小朋友, 可能係對佢好呢; 但係就算想個小朋友好, 都唔使咁鬧佢, 係又係鬧, 唔係又鬧, 都唔會耐心咁教佢, 係個老公面前就做到係一個好好嘅後母, 但係個老公唔係到, 就變左另外一個人!

我一真好想同個男人講, 你而家個老婆點對你同你前妻個仔, 對住你係一個人, 背住你又係另外一個人, 不過諗深一層, 如果個男人真係有理智, 就唔會只係話自己個亞媽唔啱, 幫住個老婆, 話個老婆啱晒啦, 對亞媽都可以咁, 咁何況係同之前個老婆生嗰個? 我知, 佢之前個老婆負左佢, 掉底佢地兩父子, 佢好憎佢前妻, 但係佢曾經話過, 會比最好佢個仔, 唔會再有人蝦佢, 但係如今佢而家個老婆咁, 佢都可以話佢係對個小朋友好, 咁我真係好想問, 乜你知個小朋友開心咩? 咁同對佢唔好有乜分別!

我睇見個小朋友咁, 佢唔開心, 我都好唔開心, 好心痛, 因為我好錫佢!